पहिरो पीडितको पुर्नस्थापनाको लागी दुप्चेश्वर गाँउपालिकाको अपिल

Posted on: September 19, 2018 | views: 3137


३ असोज, नुवाकोट । गएको भदौ २७ गते बुधबार अविरल वर्षासगै गएको पहिरोबाट बिस्थापित भएकाहरुको पुर्नस्थापनाको लागी दुप्चेश्वर गाँउपालिको सहयोगको अपिल गरेको छ ।


नुवाकोट यस दुप्चेश्वर गाउँपालिका वडा नं १, साविक घ्याङफेदी गा.वि.स. वडा नं ९ स्थित चेताङ बस्तिमा गत श्रावण २८ गते तथा भाद्र २७ गतेको दिन गएको विनासकारी पहिरो बाट ४४ घर परिवार विस्थापित हुनु परेको छ । पहिरो गए पश्चात गाउँपालिका स्तरीय द्रुत प्रतिकार्य टोली (RRT) ले गरेको निरिक्षणबाट ११ घर पूर्ण रुपमा क्षति र बाँकी ३३ घर परिवार समेत विस्तापित भएको निश्कर्ष निकालेको  गाँउपालिकाको अध्यक्ष योबिन्द्रसिंह तामाङले जानकारी दिनुभएको छ ।

यो विषम परिस्थितिमा सिङ्गो गाउँपालिका परिवार स्तब्द भएको उहाँले बताउनुभएको छ ।
"विपतको यो समयमा उद्धार एवं राहत कार्यमा संलग्न जनप्रतिनिधी, राष्ट्रसेवक कर्मचारी, विभिन्न संघ संस्थाका प्रतिनिधीहरु तथा आम सर्वसाधारणहरुमा गाउँपालिका आभार व्यक्त गर्दछ"गाँउपालिकाले अपिल गरेको विज्ञप्तीमा भनिएको छ ।

सिङ्गो गाउँनै पहिरोको चपेटोमा परेको यस दुःखद घडीमा राष्ट्रिय तथा अन्तराष्ट्रिय रुपमा रहेका विभिन्न व्यक्ति, संघ संस्था, सामाजिक रुपमा क्रियासिल निकायहरु, स्थानिय स्तरमा संचालित जलविद्युत तथा अन्य आयोजनाहरु, समाजसेवी, बुद्धिजिवी, विभिन्न राजनीतिक दलका प्रतिनिधीहरु तथा सम्पूर्ण सहयोगी हातहरुलाई विपतमा परेका चेताङबासीको सहयोगार्थ हार्दिक अपिल गरेको गाँउपालिकाले विज्ञप्तीमा सबैलाई सहयोग पुर्याउन आग्रह गरेको छ

 मिति २०७५/६/१ मा बसेको दुप्चेश्वर गाउँपालिका विपद् व्यवस्थापन समितिको बैठकले राहतकार्यलाई व्यवस्थित बनाउनको लागि एकद्धार प्रणाली लागू गर्ने निर्णय गरेको छ ।



जस अनुसार आर्थिक सहयोग संकलनको लागि एभरेष्ट बैक दुप्चेश्वर शाखा समुन्द्रटारमा रहेको विपद् ब्यबस्थापन समिति को च.हि. नं.०६४००१०५२००२१३ मा जम्मा गर्न र जिन्सी सहयोगका लागि दुप्चेश्वर गाउँपालिका, विपद् व्यवस्थापन समितिसँग सम्पर्क गर्न सकिने व्यहोरा जानकारी गराउँदै सबै सहयोगी हातहरुलाई राहत सहयोगको लागि आब्हान गरेको गाँउपालिकाको उपाध्यक्ष अञ्जु आचार्यले जानकारी दिनुभएको छ ।