पहिरो पीडितलाई उत्तरगया गाँउपालिकाबाट राहत विरतरण

Posted on: September 18, 2018 | views: 3382

२ असोज, वेत्रावती  । रसुवाको उत्तरगया गाँउपालिका वडा नं. १ सल्लेटारमा गएको पहिरोबाट पीडित भएका परिवारलाई उत्तरगया गाँउपालिकाले राहत वितरण गरेको छ ।
गएको भदौ २६ गते गएको सुख्खा पहिरोबाट घरको पूर्ण क्षति बेहोरेका तथा जोखिम भएर विस्थापित भएका सात परिवारलाई आज गाँउपालिकको अध्यक्ष उपेन्द्र लम्सालले पीडितलाई राहत स्वरुपमा अस्थायी आवास निर्माणको लागी निर्माण सामाग्रि सहित खाद्यान्न वितरण गर्नुभएको हो ।
गाँउपालिकको अध्यक्ष लम्सालले सात घरपरिवरालाई अस्थायी आवास बनाउन एक परिवारको लागी दुई बण्डल जस्तापाता, एक–एक बोरा चामल, दुई–दुई किलो दाल र नुन, दुई–दुई लिटर तेल, मस्यौरा लगायतका सामाग्रि प्रदान गर्नुभएको हो ।


जोखिममा परेका बस्तीका बासिन्दालाई तत्कालको लागी बासस्थान र खाद्यान्नको प्रबन्ध मिलएकाले आगामी दिनमा सुरक्षित स्थानमा बसोबास मिलाउन पहल गर्र्ने गाँउपालिकाको अध्यक्ष लम्सालले बताउनुभएको छ । विस्थापित परिवारलाइ राहत वितरणको लागी किस्पाङ गाँउपालिका वडा नं. २ का वडासदस्य बद्री देवकोटा, सल्लेटारका स्थानीय समाजसेवी मकर तामाङ लगायतले सहयोग पु-याउनुभएको थियो ।

मैलुङ–स्याफ्रुबेसी सडक खण्डको माथीबाट एक साता अघि आएको सुख्खा पहिरोले हस्तबहादुर तामाङ, रत्नबहादुुर तामाङ, कान्छा तामाङ, भीमलाल तामाङ, डल्ले तामाङ र बीरबहादुर तामाङ, गोपाल तामाङ लगायतको घरमा क्षति पु¥याएको थियो भने त्यहाँ रहेका बाँकी बस्ती पनि पहिरोको जोखिममा रहेका छन् । पहिरोमा परेर घाइते भएका सैनिकको अझै पनि उपचार भइरहेको छ रसुवा प्रशासनले जनाएको छ ।