चेताङमा उद्धार टोली पुग्यो, दर्जन भन्दा बढी घर बाढीले तहसनहस

Posted on: September 14, 2018 | views: 3826

२९ भदौ, नुवाकोट । दुप्चेश्वर गाँउपालिका वडा नं. १ घ्याङफेदीको चेताङमा गएको पहिरोले त्यहाँ रहेका ११ घर लडाएको छ भने बाँकी घर उच्च जोखिममा परेका छन् । बस्तीमाथी बाट आएको पहिरोले चेताङमा भूकम्प गएपछि सरकारी अनुदान सहयोगमा निर्माण गरेका ११ परिवारको पक्कि घर पूर्ण रुपमा क्षति पुगेको र ३३ परिवार बस्दै आएको घर समेत उच्च जोखिममा परेका छन् ।


चेताङमा पहिरोले पु-याएको क्षतिको स्थलगत लगत संकलनको लागी तथा पीडितलाई राहत वितरण गर्न हिजो त्यहाँ गएको सरकारी टोली र जनप्रतिनिधिको अनुसार पहिरोले दोर्जे शेर्पा, दावा शेर्पा, आङबाबु शेर्पा, काकी शेर्पा, सनम शेर्पा, सोनाम शेर्पा, गकी शेर्पा, पुतली शेर्पा, सेरमेन्दो शेर्पा, दावाबिन्दु शेर्पा र  टेवाधर्के शेर्पाको घर पूर्ण रुपमा क्षति भएको छ ।


घटनास्थलमा लगत लिन पुग्नु भएका जिल्ला प्रशासन कार्यालय नुवाकोटका नायव सुब्बा निलमकुमार भुसालको अनुुसार पहिरोले घरको क्षति बेहोरेका घरबाट अन्नपात, भाडावर्तन, धनसम्पत्ति, पशु–चौपाय केही निकाल्न नसकेकाले त्यसको विवरण हुनेक्रम जारी रहेको छ ।


चेताङमा गएको पहिरोले त्यहाँ रहेको पाँच किलोवाट र सात किलोवाटको दुईवटा लघुजलविद्युत आयोजना, तीन वटा पानीघट्ट, मानबहादुर शेर्पाको कुखुरा र्फम, तीन वटा झोलुङ्गे पुलमा क्षति पु¥याएको छ । पहिराले चेताङमा रहेका विभिन्न घरका खाद्य तथा गैह्रखाद्य सामाग्रि, पशुचौपाय, पानीको मुहान, पाइप लाईन धारा, पैदलमार्ग लगायतमा समेत क्षति पु¥याएको भएपनि त्यसको विवरण आउन बाकी रहेको प्रशासन कार्यालयका नायव सुब्बा भुसालले बताउनुभएको छ ।


घटना स्थलमा गएको दुप्चेश्वरी गाँउपालिका अध्यक्ष योबिन्द्रसिंह तामाङ सहितको टोली, जिल्ला प्रहरी कार्यालय, जिल्ला प्रशासन कार्यालय, इलाका प्रशासन कार्यालयको प्रतिनिधिहरु जारी रहेको वर्षा र पहिरो बगिरहेकाले हिजो घ्यावरमा नै रोकिएको टोली आज बिहान चेताङ पुगेको छ । चेताङबाट प्रभावित भएका बासिन्दा सहित करिब ६० जनाको टोली अहिले पहिरोले पु-याएको क्षतिको बिहानैदेखि लगत संकलनमा व्यस्त रहेका छन् ।


सरकारी कर्मचारी एवम् जनप्रतिनिधिहरुको टोलीले चेताङबाट विस्थापित भएर घ्यावरमा आएर बसिरहेकालाई तत्कालको लागी राहत र खाद्यान्नको व्यबस्था मिलाएर त्यसपछि आज घटनास्थलतर्फ गएको हो । विनासकारी भूकम्प पश्चात चेताङ गाँउ पहिरोले जोखिममा रहेको त्यस स्थान मानव बसोबासको लागी योग्य नभएकाले अब सुरक्षित स्थानमा स्थान्तरणको समेत गाँउपालिकाले व्यबस्था मिलाउने तयारी अघि बढाएको जनाएको छ ।


घटनास्थलमा हिजो बिहान हेलिकोप्टर मार्फत प्रतिनिधिसभा सदस्य हितबहादुर तामाङ, प्रदेससभा सदस्य एवम् तीन नं. प्रदेसको उप–सभामुख राधिका तामाङ सहितको टोलीले अवलोकन तथा त्यहाँको स्थलगत जानकारी लिर्दै पीडितको उद्धार र उनीहरुको लागी सुरक्षित बासस्थानको व्यवस्था मिलाउनको लागी पहल गर्ने बताएका छन् ।