रेडियो जालपा दश वर्षमा प्रवेश

Posted on: September 09, 2018 | views: 2934

२४ भदौ, नुवाकोट । ‘आधारभूत प्राकृतिक श्रोत संरक्षण तथा शान्ति समाज’द्धारा सञ्चालित सामुदायिक रेडियो ‘रेडियो जालपा’ एक सय चार थोप्लो पाँच मेगाहर्ज आजदेखि स्थापनाको दश वर्षमा प्रवेश गरेको छ ।  


नौ वर्ष अघि २०६६ साल भदौ २४ गते आजैको दिनबाट प्रशारणको सुरु गरेको रेडियो जालपाले विभिन्न आरोह–अबरोह पार गर्दै स्थापनाको दश वर्षमा प्रवेश गरेको हो । नुवाकोट सहित छिमेकी जिल्लाहरु रसुवा, धादिङ्ग, गोरखा, सिन्धुपाल्चोक, काठमाडौ, मकवानपुर लगायतको जिल्लामा समेत सुन्न सकिने रेडियो जालपालाई इन्टरनेट अनलाइनको सहयोगमा रेडियो जालपा डटकम मार्फत रेडियोबाट प्रशारण भएका सामाग्रीहरु आफूले चाहेको समयमा सुन्न र पढ्न सकिने तथा मोबाइल एप्समा ‘हाम्रो पात्रो’बाट समेत सजिलै बजाउन सकिने भएपछि हाम्रो पहुँच विश्वको जुनसुकै स्थानसम्म पु¥याउदै श्रोताको माझमा हाम्रो उपस्थितीलाई नजिक बनाउदै आइरहेका छौ ।


नुवाकोट, रसुवा, धादिङ, गोरखा लगायतका समुदायको बोली रेडियोबाट जस्ताको तस्तै प्रशारण गर्ने रेडियो ‘रेडियो जालपा’ ले भौगोलिक विकटता, रेडियो सञ्चालनको लागि आवश्यक श्रोतको व्यवस्थापनको सहज उपलब्धताको कमीको बीच पनि रेडियो जालपा अहिले जिल्लाकै शक्तिशाली उपकरणको रुपमा अपलिङ्क जडान, विदुर र ककनीको दुई वटा स्टुडियोबाट एकैसाथ प्रशारण गर्न सकिने व्यवस्था सहित श्रोताको माझमा लोकप्रिय कार्यक्रम र प्रस्तुती पस्कदै आइरहेका छौ ।


मुख्य कार्यालय तथा प्रशारण केन्द्र ककनीको रानीपौवा रहेको सामुदायिक रेडियो ‘रेडियो जालपा’को कार्यक्रम उत्पादन कार्यालय नुवाकोटको विदुरबाट सुरु गरी अहिले हाम्रो प्रशारणमा नियमित, उत्कृष्ट कार्यक्रम र श्रोताको सुझाब मनन् गर्दै अगाडी बढाइरहेका छौ ।
व्यवसायिक पत्रकारहरुको समूहको रुपमा ‘रेडियो पत्रकार’को टोलीले जिल्लाकै सबैभन्दा बढी स्थानमा सुन्न सकिने रेडियोलाई जिल्लामा नै पहिलो पटक सामुदायिक रेडियोको अवधारणालाई आत्मसाथको अभ्यास गर्दै अरुलाई पनि पाठ सिकाउन कोशिस गर्दै आइरहका छौ ।  


रेडियो जालपा दश बर्ष प्रवेशले सूचना प्राप्त गर्ने श्रोताको अधिकार प्रतिको थप जिम्मेवारी र व्यवसायिक पत्रकारिताको अभ्यासलाई अनुसरण गरेको रेडियो सञ्चालन समितिका अध्यक्ष पूर्णलाल श्रेष्ठले स्थापना दिवसको अवशरमा जारी गर्नुभएको विज्ञप्तीमा उल्लेख गरिएको छ ।


दश वर्ष प्रवेशको अबशरमा रेडियो जालपाका अध्यक्ष पूर्णलाल श्रेष्ठले विज्ञप्ती मार्फत रेडियोलाई समुदायको एक शक्तिको रुपमा उभ्याउन र आम नागरिकको दैनिक जनजीवनसंग जोड्न अझ प्रयासरत रहने प्रतिबद्धता जनाउनुभएको छ ।
हाम्रो अगाडी बढ्ने यात्रामा तपाई श्रोताहरुले दिनुहुने सुझाव, सल्लाह र सहयोगले हाम्रो निश्चित गन्तव्यको यात्रा सुनिश्चित बनाउन टेवा मिल्ने रेडियोका अध्यक्ष श्रेष्ठले जारी गर्नुभएको विज्ञप्तीमा उल्लेख गरिएको छ ।


यस्तै, दश वर्ष प्रवेशको अवशरमा रेडियोले जनतालाई सूसुचित हुने संबैधानिक अधिकारलाई सम्बोधन गर्दै प्रशारण गर्दै आएको कार्यक्रमलाई अधिकारसम्पन्न रुपमा स्थापित भएका स्थानीयतहसम्म केन्द्रित गरी प्रशारणमा प्रथामिकता दिदै आइरहेका छौ ।


यसअघि केन्द्रिकृत रुपमा उत्पादन हुने समाचार तथा खबर नभई स्थानीयको जिल्लालाई प्रथामिकता दिदै आएकोमा अबदेखि स्थानीयतहको केन्द्र र त्यसको कुना–कुनामा केन्द्रित हुने प्रतिबद्धता दश वर्षमा प्रवेशको अवशरमा व्यक्त गर्न चाहन्छौ ।