एक दिवसीय ट्राफिक सचेतना कार्यक्रम सम्पन्न

Posted on: September 05, 2018 | views: 4136

२० भदौ, पोखरा । जिल्ला प्रहरी कार्यालय पर्वत र जि.ट्रा.प्र.का. पर्वतको आयोजनामा पर्वत जिल्लाको ट्राफिक व्यवस्थापन, सडक सभ्यता अभिबृद्धि एवं सवारी दुर्घटना न्युनिकरण सम्बन्धी एक दिवसीय कार्यक्रम पर्वत जिल्लाको कुश्मामा सम्पन्न भएको छ । उक्त कार्यक्रमको प्रमुख अतिथि जिल्ला समन्वय समिति पर्वतका प्रमुख मनोहर बि पौडेल,विशिष्ट अतिथि जिल्ला प्रशासन कार्यालय पर्वतका प्रजिअ. गुरूदत्त ढकाल, ४नं. प्रदेश ट्राफिक प्रहरी कार्यालयका प्रमुख प्र.उ.बिरेन्द्र कुमार बस्याललगायत सम्बन्धित सरोकारवाला निकायका कार्यालय प्रमुखहरू, बिभिन्न संघ संस्थाका प्रमुख एवं प्रतिनिधीहरू, बुद्धीजिवी,समाजसेवी,पत्रकार लगायतको उपस्थितीमा बिहान कुश्माको शिवालय चोकबाट जनचेतनामुलक –याली निकाली कुश्मा बजार परिक्रमा गरी पर्वत उद्योग बाणिज्य संघको हलमा पहिलो चरणको कार्यक्रम समापन भएको छ ।


दोश्रो चरणको कार्यक्रम अन्तर्गत जिल्ला प्रहरी कार्यालय पर्वतद्वारा प्रस्तुत कार्ययोजनामा छलफल तथा अन्तरक्रिया गर्नुका साथै सवारी दुर्घटना न्युनिकरण,सडक सभ्यता अभिबृद्धि र व्यवस्थित ट्राफिक व्यवस्थापन गर्नका लागि जिल्ला ट्राफिक प्रहरी कार्यालय पर्वतबाट भएका कार्यहरु एवं सवारी दुर्घटना न्यूनिकरण गर्नका लागि अगामी दिनमा सम्बन्धित सरोकारवाला निकायहरूको भुमिका बारेमा अन्तरक्रिया तथा छलफल गरिएको छ ।

सहभागी भएकाहरुले यस्ता कार्यक्रम र छलफलले सवारी दुर्घटना न्युनिकरण गर्न तथा ट्राफिक जनचेतना बृद्धि गराउन महत्वपूर्ण सहयोग पुग्ने बताएका छन् ।