रेडक्रस स्थापना दिवस, फलफूल वितरण र वाटर बाथ उपकरण प्रदान

Posted on: September 04, 2018 | views: 4527

गोकर्ण अधिकारी,
१९ भदौ, नुवाकोट ।
‘रेडक्रस M सबै ठाउँमा, सबैका लागि–मुस्कान’ भन्ने नाराको साथ मंगलबार मुलुकभर ५६औँ नेपाल रेडक्रस सोसाइटीको स्थापना दिवस मनाइएको छ ।


नेपालमा ५५ वर्ष अघि २०२० साल भदौ १९ गते रेडक्रस सोसाइटीको स्थापना भएको सम्झनामा मंगलबार नुवाकोट सहित मुलुकभर मानवीय सेवामा खटिने स्वंय सेवकको सम्मान, प्राथमिक उपचार, रक्तसञ्चार सेवा, विपद् व्यवस्थापन लगायत रेडक्रसका गतिविधिको बारेमा अन्तरक्रिया, विपद् प्रभावितलाई राहत वितरण लगायत विविध कार्यक्रम गरी रेडक्रस दिवस नुवाकोटमा पनि मनाइएको छ ।


दिवसको अवसरमा रेडक्रस नुवाकोट शाखाको आयोजनामा जिल्ला अस्पताल त्रिशूलीमा भर्ना भएका बिरामीलाई फलफुल वितरण र त्याहाँ रेडक्रस मार्फत सञ्चालनमा रहेको रक्तसञ्चार केन्द्रलाई तापक्रम सन्तुलित बनाउन सहयोग पुग्ने ‘वाटर बाथ’ उपकरण प्रदान गरिएको छ ।


बिरामीलाई फलफूल वितरण तथा उपकरण प्रदान कार्यक्रममा रेडक्रस जिल्ला सभापति सुरतबहादुर चित्रकारले जिल्ला अस्पताल त्रिशूलीमा भर्ना भएर उपचार पु¥याउदै आएका बिरामीको स्वास्थ्य अबस्थाको जानकारी लिदै उनीहको उपचारमा पु¥याउदै आएको सेवालाई थप गुणस्तरीय बनाउन चिकित्सकलाई आग्रह गर्नुभएको छ । रेडक्रस जिल्ला सभापति चित्रकारले नुवाकोटमा २०३४ सालमा स्थापना भएको रेडक्रसको जिल्ला शाखाले निरन्तर आफ्ने उद्देष्य अनुसार सेवा पु¥याउदै आइरहेकाले सबै ठाउँमा, सबैका लागि–मुस्कान’ भन्ने नारा सार्थक बनाउन आफूहरु प्रतिबद्ध भएर सेवा पु¥याउदै आइरहेको बताउनुभएको छ ।


 रेडक्रस स्थापना दिवसको अवशरमा जिल्ला अस्पताल त्रिशूलीमा भर्ना भएका बिरामीको लागी फलफुल वितरण गर्न आयोजित कार्यक्रममा जिसस उपप्रमुख अप्सरा थापाले सामाजिक सँस्थाको रुपमा नेपाल रेडक्रस सोसाइटीको भूमिका र छवी विश्वमा नै नमूना रहेकाले त्यही अनुसार नुवाकोटमा पनि भइरहेको कार्यको प्रंशसा गर्नुभएको छ । उपप्रमुख थापाले भूकम्प पछिको विपतको समयमा नुवाकोटमा रेडक्रसले उद्धार र उपचार तथा त्यसपछिको पुर्ननिर्माणमा जारी राखेको सहयोग र स्वास्थ्य तर्फ रक्तसञ्चार केन्द्र सञ्चालन र प्रथामिक उपचारको लागी सञ्चालन गरिरहेको तालीमले प्रत्यक्ष लाभपुग्दै आएको बताउनुभएको छ ।


 अस्पतालमा भर्ना भएका बिरामीको लागी फलफूल वितरण कार्यक्रममा रेडक्रस नुवाकोटका  पूर्वसभापति एवम् सल्लाहकार समितिका संयोजक रामप्रसाद जोशी, अस्पतालका निमित्त मेडिकल सुपरिटेन्डन देवकी पुडासैनी, डाक्टर मधुकर दाहाल, डाक्टर रेमकुमार राई, रेडक्रस मार्फत सञ्चालनमा रहेको विपत प्रतिकार्य कार्यक्रमका जिल्ला संयोजक शारदा खतिवडा, रेडक्रस नुवाकोटका मन्त्री हरी श्रेष्ठ, उपमन्त्री सिता तामाङ, उपकोषाध्यक्ष उद्धवशर्मा रिजाल, रेडक्रसका जिल्ला कार्यसमितिका सदस्यहरु दिलमान शाक्य, नवराज सुवेदी लगायतको सहभागिता रहेको थियो ।


यसैबीच, रेडक्रस नुवाकोटले जिल्ला अस्पताल त्रिशूलीमा सञ्चालन गर्दै आएको रक्तसञ्चार केन्द्रको लागी तापक्रम सन्तुलित बनाउन सहयोग पु-याउने अतिआवश्यक रहेको ‘वाटर बाथ’उपकरण अस्पताल प्रशासनलाई हस्तान्तरण गरेको छ ।
रेडक्रसका जिल्ला सभापति सुरतबहादुर चित्रकारले अस्पतालका निमित्त मेसु देवकी पुडासैनीलाई उपकरण हस्तान्तरण गर्दै त्यसमार्फत रक्त सञ्चार केन्द्रमा तापक्रम सन्तुलित बनाएर सेवा प्रवाह प्रभावकारी बनाउन आग्रह गर्नुभएको रेडक्रस मार्फत सञ्चालित विपद् प्रतिकार्य कार्यक्रमका जिल्ला संयोजक शारदा खतिवडाले जानकारी दिनुभएको छ ।  


रेडक्रस नुवाकोटले नुवाकोटमा विपद्को समयको लागी २५ सय परिवारलाई गैह्रखाद्य सामाग्रि उपलब्ध गराउन सक्ने गरी तयारी अबस्थामा रहेको छ भने यसको साथै विदुरमा सामुदायिक आँखा जाँच केन्द्र, त्रिशूली अस्पतालमा रक्तसञ्चार केन्द्र, विभिन्न शाखा मार्फत ६ वटा एम्बुलेन्स सेवा, प्रथामिक उपचार स्वंयसेवक उत्पादन, जुनियर रेडक्रस सर्कल मार्फत विद्यालयहरुमा रेडक्रसको सिद्धान्त र सेवाको भावलाई कार्यन्वयन गराउदै आइरहेको छ ।


नेपाल रेडक्रस सोसाइटी जिल्ला शाखा नुवाकोट सहित मंगलबार ७७ वटै जिल्लामा शाखा, एक हजार ५ सय ८ भन्दा बढी उपशाखा, पाँच हजार ४१० भन्दा बढी जुनियर सर्कल र ८६५ भन्दा बढी युवा सर्कल सक्रिय रहेका छन् । सबै निकायमा ९० हजार स्वयंसेवक र १० लाख ६० हजारभन्दा बढी सदस्य आवद्ध रहेको नेपाल रेडक्रस सोसाइटीले जनाएको छ ।  


नेपाल रेडक्रस सोसाइटीले ३५ लाखभन्दा बढी भूकम्प पीडितलाई मानवीय साहायत अन्तर्गत विविध क्षेत्रमा सहयोग पु-याइरहेको छ । अहिले विशेष गरी भूकम्पबाट अति प्रभावित भएका नुवाकोट, रसवा, धादिङ लगायतका १४ जिल्लामा आवास पुर्ननिर्माण, जिविकोपार्जन एवम् आयआर्जन, खानेपानी तथा सरसफाई लगायतको क्षेत्रमा रेडक्रसको सहयोग जारी रहेको छ ।


रेडक्रसले भूकम्प, गएको वर्षको तराई मधेशको डुबानमा आफ्ना स्वयंसेवकमार्फत गरेको मानवीय सहयोगले अन्तराष्ट्रिय क्षेत्रमा समेत प्रशंसा पाएको छ । भूकम्प पछिको पुर्ननिर्माणमा रेडक्रसले सञ्चालन गरेको आफ्नो आवास आफै निर्माण गर्ने कार्यक्रममा तालीम प्रदान, समूहगत रुपमा काम गरेर हराउदै गएको पर्म विधिलाई समेत पुन ताजगिकरण गराउदै आइरहेको रेडक्रस नुवाकोटका सामुदायिक प्रशिक्षक समुन्द्रबाबु अधिकारीले जानकारी दिनुभएको छ ।


नेपाल रेडक्रस सोसाइटीले विपद् व्यवस्थापन, आकस्मिक सेवा र संकटासन्नता न्यूनीकरण गतिविधि लगायत अहिले ७२ जिल्लाका १०६ स्थानबाट रक्तसञ्चार सेवा, २१० वटा बाहन मार्फत् एम्बुलेन्स सेवा र दुईवटा अस्पताल मार्फत आँखा हेरचाह गतिविधि सञ्चालन गर्दै आइरहेका छ ।


यस्तै, आन्तरिक सशस्त्र संघर्ष, प्राकृतिक बिपत्ति अथवा शान्ति स्थापनाको सबै परिस्थितिमा विगत ५५ वर्षदेखि नेपाल रेडक्रसले पारस्परिक सहयोग र समझदारीका आधारमा आफ्नो सेवा निरन्तर प्रदान गर्दै आइरहेको रेडक्रस नुवाकोट शाखा सभापति सुरतबहादुर चित्रकारले बताउनुभएको छ ।