अब गाँउगाँउमा हेलिप्याड बन्ने

Posted on: August 28, 2018 | views: 5057

१२ भदौ, नुवाकोट ।
प्रत्येक स्थानीयमा कम्तिमा एउटा हेलिप्याड बनाउने गरी सरकारले ल्याएको योजना कार्यान्यवनका लागि तयारी तीव्र पारिएको छ । नेपाल नागरिक उडड्यन प्राधिकरणले त्यसका लागि हेलिप्याडको डिजाइन गरिरहेको छ ।
नेपाल सरकारले बजेटमाफत नै प्रत्येक स्थानीय तहमा हेलिप्याड निर्माण गर्ने कार्यक्रम ल्याएर त्यसको लागि झण्डै २० अर्ब बजेट विनियोजन गरेको छ । विभिन्न समयमा हेलिकोप्टरमार्फत घाइते, बिरामी, गर्भवती लगायतको उद्दार गर्न तथा विपदका समयमा राहत वितरणका लागि पुग्न अहिले कठीन हुने गरेको छ ।
    नेपाल सरकारले सबै स्थानीयतहमा कम्तिमा एउटा हेलिप्याड बनाउने गरी नीति ल्याएको छ । हेलीप्याड निर्माणले पर्यटन प्रवद्धनमा समेत सघाउ पुग्ने विश्वास गरिएको छ । प्राधिकरणको महानिर्देशक सञ्जीव गौतमले हेलिप्याडहरु निर्माणको डिजाइन गर्न आवश्यक तयारी अन्तिम चरणमा पुगेको बताउनुभएको छ ।
हेलिप्याड निर्माणका खुला स्थान आवश्यक पर्छ भने करिब कम्तिमा ४० मिटरको बर्गाकार जमिन चाहिने भएकाले सरकारले सरकारी जग्गालाई प्रथामिकता दिने र त्यो नपाए अधिग्रहण गरेर प्रक्रिया अघि बढाउने जनाएको छ । सहज रूपमा हेलिकोप्टेर बस्न सक्ने बनाउनको लागी ढलान सहितको सामान्य हेलिप्याड बनाउन ४० लाख रुपैयाँसम्म खर्च लाग्ने सरकारले जनाएको छ ।