करेन्ट लागेर एकको मृत्यु, दुई गम्भीर घाइते

Posted on: August 23, 2018 | views: 8335

७ भदौ, नुवाकोट । नुवाकोटको लिखु गाँउपालिका वडा नं. १ ढिकुरेमा ३३ केभी प्रशारण लाइनको विद्युतीय तरङ्गले करेन्ट लाग्दा आज एक जनाको मृत्यु भएको छ भने दुई जना गम्भीर घाइते भएका छन् ।  


ढिकुरेमा गाढिएको विद्युतीय पोललाई खहरे खोलामा गएराती आएको बाढीले क्षति पु¥-याएपछि झोलिएको तारबाट प्रवाह भएको विद्युतीय तरङ्गले करेन्ट लाग्दा लिखु–१ का २८ वर्षीयाँ तुलासा अधिकारीको घटनास्थलमा नै मृत्यु भएको हो । घटनामा लिखु–१ का ६१ वर्षका लालप्रसाद लामिछाने र बेलकोटगढी नगरपाालिका वडा नं. १२ का मदानपुरका २२ वर्षीयाँ सुदिक्षा पौडेल गम्भीर घाइते भएका छन् ।


उनीहरुको नुवाकोटमा उपचार हुन नसकेपछि थप उपचारको लागी काठमाडौ पठाइएको नुवाकोट प्रहरी प्रमुख बसन्तबहादुर कुंवरले जानकारी दिनुभयो ।


तीन साता अघिको बाढीले ढलेको पोल मर्मत गर्ने समयमा विद्युत प्राधिकणको लापरबाहीले पुनः पोल ढलेको र त्यसको जानकारी प्राधिकरणलाई गराएपनि समयमै विद्युत कटौती नहुदाँ दुर्घटना भएको भन्दै घटनाको बिरोधमा स्थानीयबासीले गाडी सञ्चालनमा अबरोध पु-याएका छन् ।


पीडित परिवारलाई उचित क्षतिपूर्ति र विद्युतीय तार अन्यत्र सार्नुपर्ने माग गदैै स्थानीयबासीले जिल्ला सदरमुकाम विदुर सहित नुवाकोट–काठमाडौ सडक खण्डमा गाडी सञ्चालन बन्द गराएका छन् ।