नागरिकले गरे नुवाकोट प्रहरीको प्रशंसा

Posted on: August 18, 2018 | views: 1621

जगदिश खनाल, नुवाकोट ।  नुवाकोटको थानसिंह आसपासका नागरिकहरुले निर्माण सामाग्रिको सहज उपलब्धता गराउनदेखि स्थानीयतहले लगाएको करको सीमा बढी भएको भन्दै प्रहरी प्रशासन समक्ष गुनासो गरेका छन् ।
जिल्ला प्रहरी कार्यालय नुवाकोटले बिहीबार लिखु गाँउपालिका वडा नं. ६ थानसिंहको छहरे बजारमा आयोजना गरेको नागरिक सुनुवाई कार्यक्रममा सहभाग भएका लिखु गाँउपालिका, पञ्चकन्या गाँउपालिका, शिवपुरी गाँउपालिका लगायतका स्थानका बासिन्दा निर्माण सामाग्रिको ओसारप्रसारमा देखिएको अन्योलता अन्त्य गर्न प्रहरी र प्रशासनको ध्यानाकर्षण गराएका छन् ।


नागरिक सुनुवाई कार्यक्रममा बोल्ने अधिकांश स्थानीय क्षेत्रमा सरोकार राख्दै आएका तथा जानकार राख्ने नागरिकहरुले नुवाकोट प्रहरीले पछिल्लो समय पु¥याउदै आएको भूमिकाको उच्च प्रशंसा गर्दै आगामी दिनमा समेत अहिलेको जसरी नै शान्ति सुरक्षाको प्रत्याभूती हुने वातावरण सिर्जना गर्न सुझाब दिएका छन् ।


स्थानीयबासीले भूकम्पले क्षति पुगेको घर निर्माणको लागी खोलाबाट बालुवा झिक्नको लागी प्रहरीले समस्या बनाउदै आएको र आफूले झिकेको बालुवा आफैलाई प्रयोग गर्न ल्याउनको लागी समेत भ्याट बिल माग्ने गरेको भन्दै निर्माण सामाग्रिको ओसार पसारमा सहजता अपनाउने व्यवस्था मिलाउन माग गरेका छन् ।


यसैगरी, छहरे हुदै काठमाठौ जान पछिल्लो समय ट्रिपरलाई पूर्ण रुपमा रोक लगाएको भन्दै त्यसलाई खुला गर्ने व्यवस्था मिलाइदिन प्रशासनको ध्यानाकर्षण उनीहरुले गरेका छन् । सडक संरचना कमजोर भएको बाहना बनाएर ट्रिपर सञ्चालन बन्द गर्नु जायज नभएको भन्दै छहरेबाट टोखा निस्केर काठमाडौ जान लगाएको रोक तत्कालै अन्य गर्न माग गरेका छन् ।


यसैगरी, स्थानीयबासीले अहिले स्थानीयतहले लगाएको एकीकृत कर र व्यवसायिक करको सीमा निकै धेरै भएकाले घटाउनको लागी पहल तथा समन्वयन गरिदिन प्रहरी र प्रशासनले ध्यान दिनुपर्ने, नगारिकता बनाउनको लागी प्रहरीले गर्ने सर्जिवन मुचुल्का वडा कार्यालयमा भएमा सहजता मिल्ने, घरेलु मदिरा नियन्त्रण, जुवा तास बन्द, गाँजा लगायतका अबैध जन्य सामाग्रिको नियन्त्रणमा ध्यान दिन प्रहरी प्रशासनको ध्यानाकर्षण गराएका छन् ।


स्थानीयबासीले राखेको जिज्ञासाको सम्बोधन गर्दै प्रमुख जिल्ला अधिकारी उद्धवबहादुर थापाले ट्रिपर नियन्त्रणको लागी नुवाकोटबाट नभई काठमाडौबाट भएको निर्णयको कार्यान्वयन गरिएको भन्दै यहाँबाट सञ्चालनको लागी सहजिकरणको प्रयास भइरहेको बताउनुभएको छ । यसैगरी नुवाकोटका प्रहरी प्रमुख बसन्त कुंवरले प्रहरीको भूमिका कानूनको कार्यान्वयन गराउन पाएको आदेश पूरा गर्नुपर्ने भन्दै नदीजन्य सामाग्रिको अबैध ओसारपसार, लागूपदार्थ जन्य सामाग्रिको नियन्त्रण, समाजमा शान्ति सुरक्षा कायम गर्न कुनै कसुर बाँकी नराख्ने बताउनुभएको छ ।


कार्यक्रमम लिखु गाँउपालिका अध्यक्ष धुव्र श्रेष्ठले स्थानीयतहले पाएको अधिकार अनुसार नदीजन्य लगायतका निर्माण सामाग्रीमा गाँउसभा मार्फत सकेसम्म न्युनतम कर लगाएर ओसारपासारलाई बैधानिकता बनाउन सहजता पु¥याउदै आएको बताउनुभएको छ । उहाँले करको बृद्धिको भन्दा पनि संकलन भएको करको सही रुपमा कार्यान्वयन गराउन तर्फ सहयोग गर्न र दुरुपयोग भएमा मात्र बिरोध गर्न आग्रह गर्नुभएको छ ।
लिखु गाउपालीका वडा नं ६ का वडाअध्यक्ष हरिशरण लामिछानेको सभापतित्वमा भएको कार्यक्रममा लिखु गाँउपालिका उपाध्यक्ष रोजिना राई, पञ्चकन्या गाँउपालिका उपाध्यक्ष सिता खड्का सहित लिखु, पञ्चकन्या, शिवपुरी गाँउपालिकाको विभिन्न वडाका जनप्रतिनिधहरुको सहभागिता रहेको थियो ।