फलैँचा स्पट सञ्चालनमा

Posted on: July 18, 2018 | views: 5063

काठमाडौ ।

सञ्चारकर्मी विनिता मरहठ्ठा र व्यवसायी रेजिना भट्टराईले फलैँचा स्पट सञ्चालनमा ल्याएका छन्। उनीहरुले काठमाडौँको कालिकास्थानमा कार्यक्रम गर्ने हल ‘फलैँचा स्पट’ सञ्चालनमा ल्याएका हुन्।

हल सञ्चालनबारे जानकारी गराउने उद्देश्यले गरिएको भेटघाटमा साना बजेटका कार्यक्रम गर्ने ठाउँको अभाव खड्किरहेकाले फलैँचा स्पट सञ्चालनमा ल्याएको सञ्चालक विनिता मरहठ्ठाले बताइन्।

मध्यम वर्गका कार्यक्रमलाई लक्षित गरेर फलैँचा स्पट सञ्चालनमा ल्याएको उनले बताइन्।

‘यहाँ कुनै पनि किसिमको सभा, सेमिनार, पुस्तक तथा एल्बम विमोचन, तालिम, कार्यशाला लगायतका कार्यक्रममा आयोजकले प्याकेजमा सेवा लिन सकिने साथै उच्च गुणस्तरको साउन्ड सिस्टम र प्रोजेक्टर सहित मिडिया व्यवस्थापन, उद्घोषक, खाजालगायत आवश्यकता अनुसारका सुविधा उपलब्ध गराइने छ’, उनले भनिन्।

कार्यक्रमको प्रकृति अनुसार थिएटर वा राउन्ड टेबल शैलीको हल व्यवस्थापनको सुविधा पनि रहेको अर्का सञ्चालक रेजिना भट्टराईले बताइन्। फुड डेलिभरी कम्पनी फाइन्ड यु फुडले फलैँचामा खाना उपलब्ध गराउनेछ।