सर्वाङ्गिण विकास समाजको समीक्षा बैठक सम्पन्न

Posted on: May 18, 2018 | views: 5095

विदुर, नुवाकोट । नेपाल सर्वाङ्गिण विकास समाजद्धारा सञ्चालित सामुदायिक आवास कार्यक्रमको शुक्रबार समिक्षा बैठक सम्पन्न भएको छ ।

सन् २०१५ देखि सन् २०१९ सम्ममा ४३ परिवारका लागि भुकम्पिय जोखिम रहित घर निर्माण गर्न साहयता गर्ने उदेश्यले सुरु गरिएको यस कार्यक्रम अन्तरगत हाल सम्म ३७ परिवारका लागि घर निर्माण कार्य सम्पन्न गरि सकेको छ ।

जस्का लागि प्रति परिवार तीन देखि पाँच लाख सम्मको घुम्तिकोष रकम उपलब्ध गराउने क्रममा रु. १ करोड ६४ लाख ९५ हजार रकम परिचालन गरेको छ । २०७२ सालको भुकम्प पश्चात कार्यक्षेत्र बिस्तार गर्ने क्रममा साविक कल्याणपुर र तुप्चे गाविसमा समेत कार्यक्षेत्र बिस्तार गरि सन् २०१७ देखि २०१९ सम्ममा ३२ परिवारका लागि घर निर्माण गर्ने उद्देश्यले काम सुरु गरेकोमा हाल सम्म ३८ परिवारको लागि घर निर्माण कार्यमा साहयता गरेको छ ।

जस अन्तरगत प्रति परिवार रु. १ लाख ५० हजार देखि ३ लाख सम्म घुम्तिकोष रकम उपलब्ध गराउने क्रममा ९३ लाख रकम परिचालन गरेको छ ।
समिक्षा कार्यक्रममा उपस्थित विदुर नगरपालिका वडा नं १३ का कार्यबहाक वडा अध्यक्ष पुरुषोत्तम अधिकारीले भुकम्प पश्चात आवास विहिन स्थानीयहरुको आवास निर्माण कार्य प्रशंसनीय रहेको बताउदै आवास निर्माण सँगै परिचालित रकम स्थानीय स्तरमा निरन्तर परिचालन गरिनु प्रभावकारी भएको बताउनु भयो ।


समुदायका आफ्नै घडेरी भएर पनि आवास गृह नभएका लक्षित वर्गका मानिसहरुका लागि न्युनतम् लागतमा भुकम्पिय जोखिमबाट सुरक्षित, व्यवस्थित र सुलभ प्रविधिबाट आवास निर्माण गर्न यस क्षेत्रका बिज्ञहरुद्धारा सुरु गरिएको यस कार्यक्रम एक विशेष किसिमको आवसीय अभियान रहेको बताउदै यस कार्यक्रम अन्तरगत पाएको घुम्तिकोष रकम १० वर्षे किस्ता मार्फत संकलन गरि अन्य परिवारका लागि आवास निर्माण गर्दै जाने भएकोले समुदायमा यो कार्यक्रम संस्था नरहेको अवस्थामा पनि अभियानले निरन्तरता पाउने संस्थाका जिल्ला परियोजना प्रवन्धक हिराजित सुनुवारले बताउनु भयो ।


यदि परिचालित घुम्तिकोष रकमलाई वास्तव मै अभियान कै रुपमा निरन्तर परिचालन गर्ने हो भने निर्धारित परियोजनाको अन्त सम्ममा करिब साँढे ३ करोड रुपैयाँ परिचालिन भएको हुनेछ, त्यसको व्यवस्थित परिचालन र अभियानको निरन्तरता कतिको प्रभावकारी हुनेछ त्यो चाहि हेर्न बाँकी छ ।