जिआइजेड मार्फत निर्माण गरेको वडा कार्यालय भवन हस्तान्तरण

Posted on: May 16, 2018 | views: 693

सिक्रे । जर्मन सहयोग नियोग (जिआइजेड)को ‘रिकभरी प्रोगाम नेपाल’ कार्यक्रम मार्फत यहाँको शिवपुरी गाँउपालिका वडा नं. ४ को नवनिर्मित वडा कार्यालयको भवन मंगलबार हस्तान्तरण भयो ।
पाँच कोठे पक्कि भवनको जिल्ला समन्वय समिति नुवाकोटका प्रमुख शन्तमान तामाङ र जर्मन विकास सहयोग तथा आर्थिक मामिला दक्षिण प्रशान्तीय उपप्रमुख एनेटे फ्रिकले सयुक्त रुपमा वडाध्यक्ष झमकराज गुरुङलाई भवन निर्माण प्रमाणपत्र हस्तान्तरण गर्नुभयो ।
राज्य पुर्नसंरचना अन्तरगत साविक सिक्रे गाविस समावेश गरी निर्माण गरेको वडा नं. ४ को वडा कार्यालय भौतिक संरचना अभावमा अस्थायी कक्ष मार्फत सञ्चालन गर्नुपर्ने बाध्यता पक्कि भवन निर्माणले जनताले गुणस्तरीय सेवा पाउने विश्वास लिएको जिसस प्रमुख तामाङले बताउनुभयो ।
वडा कार्यालयको नयाँ भवन हस्तान्तरण कार्यक्रममा जर्मन विकास सहयोग तथा आर्थिक मामिला दक्षिण प्रशान्तीय उपप्रमुख एनेटे फ्रिकले नेपालमा भूकम्पले पु¥याएको क्षति पश्चातको पुर्ननिर्माणमा सहयोग अन्तरगत वढा भवन निर्माण गरेको जानकारी दिनुभयो । उहाँले जर्मन सरकार विपद् र पुर्ननिर्माणमा जसरी यहाँको शिक्षा र स्वास्थ्य सुधार तथा अब जिविकोपार्जनमा काम गर्न स्थानीय विकास मन्त्रालयसंग छलफल भइरहेको जानकारी दिनुभयो ।
वडा कार्यालय पाँच कोठे पक्की भवन निर्माणमा रु ४६ लाख ७९ हजार खर्च भएको जिआइजेडको रिकभरी प्रोगाम नेपालका जिल्ला संयोजक सिद्धार्थ शर्माले जानकारी दिनुभयो । विसं २०७४ कार्तिक देखि निर्माण सुरु भएको भवन छ महिनामा पूरा गरिएको हो । नुवाकोटमा रहेका ८८ वडाहरु मध्ये व्यबस्थित तथा सुविधासम्पन्न कार्यालय यो पहिलो हो ।
भवन निर्माण कार्यक्रममा शिवपुरी गाँउपालिका अध्यक्ष रामकृष्ण थापा, वडा नंं. ३ का वडाध्यक्ष रामहरी थापा, वडा नं. ४ का वडाध्यक्ष झमकराज गुरुङ, शिक्षक रामबहादुर थापा लगायतले भूकम्प पश्चात सहयोग पु¥याउन आएका सँस्थाहरुमा जिआइजेड मार्फत सञ्चालित कार्यक्रम लाभबद्र्धक एवम् प्रभावकारी भएको बताउनुभयो ।
जिआइजेडले हाल दुप्चेश्वर गाँउपालिकामा दुप्चेश्वर गाँउपालिकामा माध्यामिक विद्यालयको लागी आवश्यक कक्षाकोठाको निर्माण, स्वास्थ्य सम्बन्धि एकीकृत तथ्याङ्क संकलन, कृषिमा आधारित जिविकोपार्जन लगायतका कार्यक्रम सञ्चालन गर्दै आइरहेको छ ।