नयाँ बसपार्कबाट समितिका सबै काउन्टर खाली गराउन सरकारको निर्देशन

Posted on: May 04, 2018 | views: 9083

काठमाडौं । सरकारले नयाँ बसपार्कमा रहेका समितिका सम्पूर्ण काउन्टर खाली गराउन निर्देशन दिएको छ । बसपार्क व्यवस्थापनको जिम्मेवारी लिएको लोत्से बहुउद्देश्यीयलाई काउन्टरहरु खाली गराउन निर्देशन दिइएको हो।
 अत्यावश्यक सेवमा हड्ताल गरेर सरकारलाई असहयोग गरेका समितिहरुको काउन्टर बसपार्कबाट हटाउने निर्णय भएको  र निर्णयअनुसार अब नयाँबसपार्कभित्र कम्पनीका बसहरुको मात्रै काउन्टर सञ्चालन हुनेछ ।

लोत्सेले काउन्टर खाली गराउन बसपार्कमा सुरक्षाको प्रत्याभूति माग गरेपछि सरकारले प्रहरीलाई निर्देशन दिइसकेको जनाएको छ। यातायात व्यवस्था विभागका महानिर्देशक रुपनारायण भट्टराईले काउन्टरहरु कम्पनीलाई दिएर व्यवस्थित गरिने जानकारी दिए।