रेडक्रसको नेतृत्वमा काहुले र भाल्चेमा पुर्ननिर्माण अन्तिम चरणमा

Posted on: April 25, 2018 | views: 2598

१२ बैशाख, किस्पाङ । भूकम्पले क्षति पुगेको संरचनाको निर्माण तथा त्यसपछिको अबस्था सामान्य बनाउन नुवाकोटमा नेपाल रेडक्रस सोसाइटीको नेतृत्वको पुर्ननिर्माण अभियान प्रभावकारी बनिरहेको छ ।

भूकम्पपछिको पुर्ननिर्माण अन्तरगत रेडक्रस जिल्ला शाखा नुवाकोटले जिल्लाको साविकका दुई गाविसहरु काहुले र भाल्चेमा पुर्ननिर्माण लगायतको सहयोग कार्यक्रम सञ्चालन गर्दै आइरहेको  छ ।  
यस्तै, रेडक्रस नुवाकोटले जिल्लाको साविकका ६ गाविसहरु मनकामना, हल्देकालिका, लच्याङ, उर्लेनी, सूर्यमती र चतुरालेमा जिविकोपार्जन, खानेपानी तथा सरसफाई एंव स्वच्छता प्रबद्धन, स्वास्थ्य क्षेत्रमा क्षमता अभिबृद्धि लगायतका सहयोग कार्यक्रम सञ्चालन गरिरहेको छ ।  


रेडक्रस नुवाकोटले पुर्ननिर्माणको जिम्मेवारी पाएको काहुले र भाल्चे गाविसमा पुर्ननिर्माणको प्रगति अन्य स्थानको भन्दा अग्रस्थानमा रहेको सरकारी तथ्याङ्कले देखाएको छ । काहुलेमा ९९६ घरधुरी लाभग्राही रहेकोमा ९१५ घरधुरीले आवास निर्माण गरिरहेको रेडक्रसका भूकम्प प्रतिकार्य कार्यक्रमका जिल्ला संयोजक शारदा खतिवडाले जानकारी दिनुभयो ।


भाल्चेमा १००९ लाभग्राही रहेकोमा ९७१ घरपरिवारले भूकम्प प्रतिरोधी आवास पुर्ननिर्माण गरिरहेको उहाँले जानकारी दिनुभयो । रेडक्रस मार्फत सञ्चालन भइरहेको पुर्ननिर्माण सहित जिविकोपार्जन लगायतका कार्यक्रम पनि प्रभावकारी रुपमा अघि बढिरहेको भूकम्प प्रतिकार्य कार्यक्रममा कार्यक्रम संयोजक खतिवडाले जानकारी दिनुभयो ।


विपद्मा परेका नागरिकलाई सहयोग पु-याउने उद्देष्य बोकेको रेडक्रसले भूकम्प पछिको संकटासन्न अबस्थालाई सामान्य बनाउन नेपाल सरकारले दिएको जिम्मेवारी अन्तरगत पुर्ननिर्माण लगातयका कार्यक्रम नुवाकोटमा सफल रुपमा कार्यान्वन गरिरहेको रेडक्रसका जिल्ला सभापति सुरतबहादुर चित्रकारले बताउनुभयो ।


रेडक्रस मार्फत सञ्चालन भइरहेको कार्यक्रमको बुधबार जिल्लमा रहेका सरोकारवालाहरुले स्थालगत अवलोकन गर्दै तिव्र गतिमा रहेको पुर्र्ननिर्माणलाई राष्ट्रिय पुर्ननिर्माण प्राधिरकणले आवास निर्माणको लागी तोकेको समय भित्रै  पूरा गराउनको लागी सहजिकरण गर्न रेडक्रसलाई सुझाब दिएका छन् ।


अनुगमनमा जिल्ला समन्वय समितिका प्रमुख शन्तमान तामाङ, किस्पाङ गाँउपालिका अध्यक्ष छत्रबहादुर लामा, पुर्ननिर्माण प्राधिकरण जिल्ला समन्वय समितिको सचिवालयका निमित्त प्रमुख वेदप्रसाद गौडेल लगायतले पुर्ननिर्माणको प्रगति सन्तोषजनक रहेकाले लाभग्राहीले निर्माण गरेको घरको आकार सानो हुदाँ परिवार बस्न पुग्ने नदेखिएकाले त्यसमा लाभग्राहीलाई जनचेतना बृद्धि र सचेत गराउन प्राविधिक सहयोग पु¥याउन खटिएका ईञ्जिनियरलाइ निर्देशन दिनुभयो ।