लियो केन्द्रिय अध्यक्षमा नुवाकोटका रिजालको उम्मेद्बारी

Posted on: April 03, 2018 | views: 206

काठमाडौं । लायन्स क्लब अन्तर्राष्ट्रिय को लायन्स जिल्ला ३२५बी१, अन्तर्गत लियो जिल्ला परिषद ३२५बी१, नेपाल को लायन बर्ष २०१८/१९ को लागि केन्द्रिय अध्यक्ष मा नुवाकोट जिल्ल बिदुर नगरपालिका वार्ड न. ८ घर भइ हाल काठमाडौं बस्दै आउनु भयेका लियो बिशाल रिजाल ले उम्मेद्बारी दिनुभयेको छ ।

लियो क्लब अफ काठमाडौं बालाजु हाइटको प्रस्ताव र काठमाडौं,नुवाकोट,धादिङ, मकवानपुर लगायत जिल्लाहरु मा क्रियाशील २० भन्दा लियो क्लब हरुको समर्थन मा रिजालले उम्मेद्बारी दिनुभएको हो।

लियो जिल्ला परिषद मा एक्लो उमेदवार रहनु भएका रिजालले अध्यक्ष पदको लागि आगामी बैशाख ८ गते पोखरा मा सम्पन्न हुने लायन्स /लियो जिल्ला परिषद को छैठौं  महाधिवेशनमा बिश्वास को मत प्राप्त गर्नु पर्नेछ।

लियो क्लब अफ काठमाडौं बालाजु हाइट मा बिगत ९ बर्ष देखि कृयासिल रिजाल बिगत ७ बर्ष देखि लियो जिल्ला परिषद को विभिन्न पदमा रहि आफ्नो कुशल नेतृत्व क्षमता प्रदर्सन गर्दै लायन्स बर्ष २०१७/१८ को लागि उपाध्यक्ष पद मा निर्बाचित हुनुभएको थियो।
काठमाडौं स्थित स्काइ पार्टी प्यालेस मा भएको उम्मेद्बारी दर्ता कार्यक्रम मा बोल्दै उम्मेद्बार रिजाल ले लियो जिल्ला परिषद भित्र का ६५ वटा क्लब का १७०० भन्दा बढी  लियो युवा हरुको युवा जोश र जागर लाई कुशल नेतृत्व प्रदान गरि थप उर्जासहित सामाजिक कार्यमा प्रोत्साहन गर्दै लियो जिल्ला परिषद भित्र सकारात्मक परिबर्तन गर्ने प्रती प्रतिबद्धता व्यक्त गर्नु भयो।लियो जिल्ला परिसद ३२५बी१ नेपाल भित्र बिशाल रिजाल कुशल नेतृत्व रहेको भन्दै लियो जिल्ला  परिषद का पुर्ब अध्यक्ष लियो अशोक पौडेल ले रिजाल को पक्षमा बिश्वासको मत  दिनुहुन सम्पुर्ण मा अनुरोध गर्नुभयो ।

उक्त कार्यक्रममा बोल्दै लायन्स क्लब अफ काठमाडौं बालाजु हाइटका अध्यक्ष लायन बिष्णु सापकोटाले लियो बिशाल रिजालको पक्षमा सतप्रतिशत बिश्वासको मत आउनेमा बिश्वास व्यक्त गर्दै उम्मेद्बार रिजाल लाई शुभकामना दिनुभएको थियो ।
लियो जिल्ला परिषदको इतिहासमा केन्द्रिय अध्यक्ष जस्तो गरिमामय पद्को लागि लियो बिशाल रिजालको नुवाकोटबाट पहिलो उम्मेद्बारी रहेकोमा खुसी ब्यक्त गर्दै लियो क्लब अफ नुवाकोट परोपकारका सचिव लियो सुदाम लामिछानेले लियो बिशाल रिजालको कुशल नेतृत्व क्षमताको उच्च प्रशम्सा गर्दै रिजालको पक्षमा बिश्वासको मत दिनु बाहेक अरु विकल्प नरहेको बताउनुभयो।