मादक पदार्थ सेवन गरि होहल्ला गर्नेमाथी कडाई गर्ने

Posted on: February 03, 2018 | views: 1584

पप्पु गुरुङ्ग,दोधारा ।

माहाकालीमा समुहगतरुपमा मादक पदार्थ सेवन गरेर हिड्ने युवाहरु माथी कडाई गर्ने भएको छ ।

माहाकाली नगरपालिका कार्यालयको बैठकले नगर बिभिन्न क्षेत्रमा १५ देखि २० वर्षका समुहका युवाहरुले रातीको समयमा मादक पदार्थ सेवन गरि हो–हल्ला गर्ने, शान्ती सुरक्षा खल्बल्याउने, सामुहिकरुपमा चौराह तथा बिद्यालय कम्पाउण्डमा बसी गाँजा, चरेस, लागु पदार्थका साथै सिरिन्ज लगाएत लागु औषध प्रयोग गरेको देखिएको भन्दै गलत क्रियाकलाप गर्नेहरुलाई नियन्त्रण गर्ने भएको छ् ।

माहाकाली नगरपालिका वडा नं. ६ का वडा अध्यक्ष दिल बहादुर सिजालीले बिगतका दिनहरु देखि युवाहरु रातीको समयमा बाटो, घाटो तथा सार्वजनिक स्थानहरुमा मादक पदार्थ सेवन गर्नेहरुको युवाहरुको संख्यामा बृद्धि भएको देखिएको कारण समाजमा शान्ती सुरक्षा सबल बनाउन माहाकाली नगरपालिका कार्यालयले यस्तो निर्णय गरेको बताएका छन् ।

समुहगतरुपमा मादक पदार्थ सेवन गरेर हिड्ने युवाहरुलाई नियन्त्रण कार्यान्वनको लागी ईलाका प्रहरी कार्यालय दोधारा चाँदनीलाई पत्राचार गरेको माहाकाली नगरपालिका कार्यालयले जनाएको छ् ।