हंसपुर नगरपालिकाको पहिलो नगरपरिषद सम्पन्न

Posted on: December 29, 2017 | views: 1013

जनकपुरधाम ।

धनुषा जिल्लाको हंसपुर नगरपालिकाको पहिलो नगरपरिषद वैठक आज सम्पन्न भएको छ । हंसपुर नगरपालिकाकाले आर्थिक वर्र्ष २०७४–७५ का लागि ३३ करोड १४ लाख २९ हजार ३ सय ६२ रुपैयाको आय व्यय बजेट सार्वजनिक गरेको छ ।

नगरपालिकाका उपमेयर रेणु झाले सो बजेट प्रस्तुत गर्नु भएको थियो । प्रस्तुत गरिएको बजेटमा पूँजीगत तर्फ २२ करोड ५८ लाख ९२ हजार ३ सय ६२ रुपैया तथा शशर्त अनुदान तर्फ १४ करोड ५५ लाख ३७ हजार रहेको छ ।

हंसपुर नगरपालिकाले प्रस्तुत गरेको पूजीगत खर्चलाई आर्थिक, सामाजिक, वातावरण, विपत व्यवस्थापन, संस्थागत विकास, सेवा र सशासन तर्फ केन्द्रीत गरेको छ ।

हंसपुर नगरपालिकाका प्रमुख रामज्ञान मण्डलको अध्यक्षतामा भएको सो कार्यक्रममा जिल्ला समन्वय समितिका अध्यक्ष रामदेव बनरैत यादवको प्रमुख आतिथ्यमा सम्पन्न भएका थिए ।

कार्यक्रममा जनकपुर उपमहानगरपालिकाका प्रमुख लालकिशोर साह, उपप्रमुख रिता झा, सहितका वक्ताहरुले धनुषा जिल्लामा रहेका १८ वटा स्थानीय तहमध्ये पहिलो परिषद वैठक गरेर हंसपुर नगरपालिकाले राम्रो कामकाज गरेकोमा सराहना गरेका थिए ।