राष्ट्रिय थारु साहित्यिक मेलामा गैससहरुको एक्यबद्धता

Posted on: December 28, 2017 | views: 997
बर्दिया । बर्दियाको बढैयाताल गाँउपालिकाको बढैयागाँउमा आगामी माघ ४, ५ र ६ गते हुन लागेको थारु साहित्यिक मेला २०७४ लाई सफल बनाउन जिल्लाका गैरसरकारी संस्थाहरु एक्यबद्धता गर्ने भएका छन् । थारु लेखक संघको आयोजना जंग्रार साहित्यिक बेखेरी र कर्मशील नेपालको आव्हानमा गुलरियामा पुस १३ गते भएको गैससहरुसंगको छलफलमा गैरसरकारी सस्थाहरुले एक्यबद्धता जनाएका हुन् । गैसस महासंघ शाखा बर्दियाका अध्यक्ष बिष्णुप्रसाद तिमिल्सीनाले राष्ट्रिय थारु साहित्यिक मेला बर्दिया जिल्लामा सञ्चालन हुनु बर्दियावासीको लागि गर्वको विषय भएको बताए । यसबाट सामाजिक र सांस्कृतिक बिकासमा ठूलो योगदान पुग्ने बताउँदै गैससहरुको तर्फबाट पूर्ण सहयोग रहने प्रतिवद्धता गरे । थारु साहित्यिक मेला २०७४ मुल आयोजक समितिले बैठकमा थारु साहित्यिक मेला गर्नुको आवश्यकता उद्देश्य तथा मेलामा हुने बहस, छलफल तथा अन्र्तक्रिया कार्यक्रमको बिषयबस्तुको बारेमा थारु लेखक संघका सदस्य शुशिल चौधरीले जानकारी गराए । साथै मेला सफल बनाउन सबै किसिमको सहयोगको लागि आव्हान गरेका थिए । तीन दिनसम्म सञ्चालन हुने साहित्यिक मेलामा थारु भाषा, साहित्य, कला संस्कृति प्रवद्र्धनमा ठूलो योगदान प¥ुयाउने, समकालनि साहित्य, कला तथा संस्कृतिबारे बहस तथा परिशीलन गर्ने, लेखक तथा श्रष्टाहरु र सरोकारवालाहरु बिच सुमधुर सम्बन्ध स्थापित गर्ने, थारु भाषा लेखनामा मानकताको बिकास गर्ने, समाजको समविकास बारे वहस छेड्ने उदेश्यले कार्यक्रम गर्न लागेको जनाईएको छ ।