जनकपुरका म्यादी प्रहरी शुक्रवार देखि विदा

Posted on: December 22, 2017 | views: 1192

जनकपुरधाम ।

प्रतिनिधि सभा तथा प्रदेश सभाको चुनावमा शान्ति सुरक्षा प्रदान गर्नका लागि खटिएका म्यादी प्रहरीहरु पुस ७ गते देखि विदा भएका छन् । सफलता पूर्वक चुनाव सम्पन्न गर्नमा योगदान दिएको भन्दै सवै म्यादी प्रहरीहरुलाई प्रमाणपत्र पनि दिएको छ ।

धनुषा जिल्लामा प्रदेश तथा प्रतिनिधि सभाको चुनावका लागि ३ हजार ५ सयको संख्यामा म्यादी प्रहरी भर्ना गरिएको थियो । उनीहरुलाई सरकारले दुई महिनाको तलव भत्ता प्रदान गरेका थिए । देश भरिमा गरेर ९० हजारको संख्यामा म्यादी प्रहरी भर्ना गरिएको थियो ।

धनुषा जिल्लामा भर्ना भएका म्यादी प्रहरीहरुले निर्वाचन पछि पनि शान्ति सुरक्षा तथा ट्राफिक व्यवस्थापनमा खटिएका थिए ।

उनीहरुले जनकपुरको ट्रापिक व्यवस्थापनमा पनि सहयोग गरेका थिए । म्यादी प्रहरीहरुको म्याद समाप्त भएपछि प्रहरीको काम फेरि पनि बढेको छ । यस अघि नेपाल प्रहरीलाई निक्कै मदत मिलेका थिए ।

चुनावमा खटेका कतिपय म्यादी प्रहरीहरुले प्रमाणपत्र बुझेर विदेशमा गए त्यसकै आधामा सुरक्षा गार्डमा पनि काम गर्न पाउने भएकाले दंग परेका छन् ।

दुई महिनाको तालिम जस्तै नै भएका कारणले उनीहरुले यसै प्रमाणपत्रको अधारमा खाडी मुलुकहरुमा सुरक्षा गार्डको जागिर पाउने भएका कारणले कतिपय हुने खाने घरका युवाहले पनि म्यादी प्रहरीमा भर्ना भएका थिए ।