बुटवलमा राष्ट्रिय औद्योगिक प्रदर्शनीमा उपराष्ट्रपतिले भने-'निर्वाचनले आर्थिक समृद्धिको बाटो खोल्यो'

Posted on: December 22, 2017 | views: 1064

बुटवल ।

उपराष्ट्रपति नन्द बहादुर पुनले प्रतिनिधि सभा र प्रदेश सभाको निर्वाचनमा आम नेपाली जनताको सहभागिताले नेपालमा राजनीतिक संक्रमणको अन्त्य गरी आर्थिक समृद्धिको बाटो खोलेको बताउनुभएको छ ।

रुपन्देही उद्योग संघ र नेपाल उद्योग परिसंघको आयोजनामा आजदेखि बुटवलमा शुरु भएको १४ औं राष्ट्रिय औद्योगिक प्रदर्शनी कृषि, प्रविधि तथा पर्यटन महोत्सवको उद्घाटन गर्दै उहाँले स्थानिय तह, प्रतिनिधि सभा र प्रदेश सभाको निर्वाचनले नयाँ युगको प्रारम्भ गरेको पनि बताउनु भयो ।

कार्यक्रममा एमालेका उपमहासचिव विष्णु पौडेलले निर्वाचन आयोगले समानुपातिक तर्फको मतपरिणाम सार्वजनिक गरेपछि नयाँ सरकार निर्माणको प्रक्रिया अघि बढने बताउनुभयो ।