1. मुख्य पृष्ठ
2. देश

झापाका एक युवाको सवारी दुर्घटनामा परि निधन

Posted on: December 15, 2017 | views: 1358

---

दमक ।

पूर्व पश्चिम राजमार्ग स्थित शिवसताक्षी नगरपालिका ९ भालुखोलामा भएको सवारी दुर्घटनामा परी एक जनाको ज्यान गएको छ । दुर्घटनामा अरु तीन जना घाइते भएका छन्।

मृत्यु हुनेमा झापाको शिवसताक्षी–९ का २५ वर्षीय सनम कन्दङ्वा रहेको इलाका प्रहरी कार्यालय झिलझिले जनाएको छ ।

पूर्वबाट पश्चिमतर्फ जाँदै गरेको बा१०च ९७१८ नं को मारुती भ्यानमा विपरित दिशाबाट आउँदै गरेको मे६प २३३३ नं को मोटरसाइकल ठक्कर खाँदा मोटरसाइकल चालक कन्दङ्वाको ज्यान गएको हो ।

भ्यानमा सवार बिर्तामोड–५ का ३१ वर्षीय राजु दाहाल, उनकी श्रीमती २८ वर्षीया अञ्जना दाहाल र सोही ठाउँका ३६ वर्षीया गीता कार्की घाइते भएका छन्। घाइतेको बिर्तामोडस्थित बिएण्डसी अस्पतालमा उपचार भइरहेको इलाका प्रहरी कार्यालय झिलझिलेले जनाएको छ।

---