कञ्चनपुरमा कार्यालय प्रमुखनै ६ लाख घुससहित पक्राउ

Posted on: November 10, 2017 | views: 403

कञ्चनपुर ।

अख्तियार दुरुपयोग अनुसन्धान आयोग प्रदेश नं ७ को सम्पर्क कार्यालय भीमदत्तनगरले आज जिल्ला प्राविधिक कार्यालयका प्रमुख डिई केदार शर्मालाई ६ लाख रुपैयाँ घुससहित पक्राउ गरेको छ । 


प्रमुख शर्माको निवासबाट उनीसहित प्राविधिक कार्यालयका सव इन्जिनियर डण्डीराज पाण्डेयलाई समेत नियन्त्रणमा लिएको छ । 


उनीहरुको साथबाट नगद ६ लाख रुपैयाँसहित १४ लाखको चेक समेत नियन्त्रणमा लिएको अख्तियार दुरुपयोग अनुसन्धान आयोग प्रदेश नं ७ को सम्पर्क कार्यालय भीमदत्तनगरले जनाएको छ । 


उक्त चेक नेपाल बंगलादेश बैंकको नाममा रहेको अख्तियारले जनाएको छ ।