भक्तपुरमा सवारी दुर्घटनामा एकको मृत्यु

Posted on: November 10, 2017 | views: 446

भक्तपुर ।

भक्तपुरको सानोठिमी स्थित बिश्वबिद्यालय अनुदान आयोग चोकमा गए राती भएको सवारी दुर्घटनामा एक जनाको मृत्यु भएको छ ।

बिपरीत दिशाबाट आउँदै गरेका बा ४९ प १५४९ नम्बरको मोटरसाईकल र बा ९० प ३९६५ नम्बरको मोटरसाईकल एक आपसमा ठोक्किएर सो दुर्घटना भएको हो ।

दुर्घटनामा मृत्यु हुनेमा बा ४९ प १५४९ नम्बरको मोटरसाईकल चालक धादिङ केवलपुर १० घर भई हाल कुलेश्वर काठमाडौं बस्ने बर्ष ४२ का सानुकाजी श्रेष्ठ रहेका छन् ।

दुर्घटनामा घाईते भएका श्रेष्ठको ब्लुक्रस अस्पताल त्रिपुरेश्वरमा उपचारका क्रममा मृत्यु भएको प्रहरीले जनाएको छ ।मोटरसाईकल पछाडि सवार घाईते धादिङकै कमलबहादुर बास्कोटाको भने मध्यपुर अस्पतालमा उपचार भैरहेको छ ।

बा ९० प ३९६५ नम्बरको मोटरसाईकल र त्यसका चालक मथिनपा ७ नगदेश बस्ने बर्ष १८ का रोहित बाडेलाई प्रहरीले नियन्त्रणमा लिएको महानगरीय प्रहरी बृत्त थिमीका प्रमुख प्रहरी नायब उपरीक्षक प्रज्वल महर्जनले बताउनुभयो ।