अछाममा चुनावी चहलपहल बढ्यो, यस्ता छन् ६ जनाको लागि उम्मेद्धार बनेका १६ जना

Posted on: November 04, 2017 | views: 302

अछाम ।

आउँदो मंसिर २१ गते हुने प्रतिनिधिसभा तथा प्रदेश सभा निर्वाचनको लागि उम्मेद्धारी दर्ता भएसंगै अछाममा चुनावी माहौल तातेको छ ।


दुई प्रतिनिधि तथा ४ प्रदेश सदस्य निर्वाचित हुने अछाममा निर्वाचनका गतिविधि समेत बढेका छन् भने जनताले उम्मेद्धारबाट जिल्लाको विकासको अपेक्षा पनि गरेका छन् ।


उम्मेद्धारहरुले मनोनयन दर्ता भएसंगै अछाममा चुनावि गतिविधि विभिन्न राजनीतिक दलले तीब्र पारेका छन् । अब हुने निर्वाचनबाट विययी हुने उम्मेद्धारबाट जनताले पनि जिल्लाको विकास तथा समृद्धिको अपेक्षा राखेका छन् ।


अछाम जिल्लामा शिक्षा, स्वास्थ्य, रोजगार लगायतका समस्या अन्य जिल्ला जस्तै व्याप्त छन् ।


नागरिकका विभिन्न अपेक्षाका विच राजनीतिक दलले उम्मेद्धारी दिएका छन् ।


नेकपा माओवादी केन्द्रबाट क्षेत्र नम्बर १ को ख मा उम्मेद्धारी दिनुभएका झपड बोहरा आफ्नो उद्देश्य आत्मनिर्भर समाज हुने बताउनु हुन्छ ।


अछाम जिल्ला निर्वाचन क्षेत्र नम्बर १ बाट एमाले उपाध्यक्ष तथा पूर्व उपप्रधानमन्त्री भीम रावल चुनावी मैदानमा हुनुहुन्छ । उहाँ देशको समृद्धि देखि जिल्लाको विकासका योजना आफ्ना प्राथमिकतामा रहने बताउनु हुन्छ ।


अछाम जिल्लामा १ जना स्वतन्त्र लगायत ७ दलका २३ जनाले उम्मेद्धारी दिएका छन् । दुईओटा प्रतिनिधि सभाका लागि ७ जना र ४ प्रदेश सभाका लागि १६ जनाले उम्मेद्धारी दिएका मुख्य निर्वाचन अधिकृतको कार्यालयले जनाएको छ ।

अछाममा ६४ हजार ७ सय ७६ पुरुष, ७२ हजार १ सय २५ महिला र दुई तेस्रोलिंगी गरी एक लाख ३६ हजार ९ सय ३ जना मतदाता रहेका छन् ।