चितवनमा थ्रेसरमा बेरिएर एकजनाको मृत्यु

Posted on: November 04, 2017 | views: 783

चितवन ।

धानझार्ने क्रममा थ्रेसरमा बेरिएर आज चितवनको रत्ननगरमा एक जनाको मृत्यु भएको छ ।

रत्ननगर नगरपालिका वडा नम्बर १५ स्थित माधवपुरमा नारायण न्यौपानेको खेतमा धान झार्दै गर्दा थ्रेसरमा परेर शुक्रबार अपरान्ह तीनबजे मजदुरको मृत्यु भएको हो ।

उक्त घटनामा परी कालिका नगरपालिका वडा नम्बर ६ बस्ने २९ वर्षीय तपन बहादुर थापामगरको ज्यान गएको चितवनका प्रहरी नायव उपरीक्षक शिव शर्मा, आचार्यले जानकारी दिनुभयो ।

धानझार्ने क्रममा एक्कासी कपडा बेरिंदा उक्त घटना भएको प्रहरीले जनाएको छ ।