‘निर्वाचनलाई नमूना निर्वाचनका रुपमा सफल बनाउन आयोग दृढ’

Posted on: November 03, 2017 | views: 2875

काठमाडौं । प्रमुख निर्वाचन आयुक्त डा. अयोधीप्रसाद यादवले आगामी प्रतिनिधिसभा र प्रदेशसभा सदस्य निर्वाचनलाई व्यवस्थापकीय दृष्टिकोणबाट नमूना निर्वाचनका रुपमा सफल बनाउन  निर्वाचन आयोगले दृढताका साथ काम गरिरहेको बताउनुभएको छ ।


राजनीतिक दलसम्बद्ध युवाको लागि आयोजित प्रशिक्षण कार्यक्रमको आज काठमाडौंमा शुभारम्भ गर्दै प्रमुख आयुक्त डा. यादवले  पहिलो चरणको निर्वाचनको कार्यक्रम मतदान केन्द्र केन्द्रीत भइसकेको जानकारी दिनुभयो ।


प्रमुख निर्वाचन आयुक्त डा. यादवले  आचार संहितको उल्लंघन गर्ने विरुद्ध आयोगले शून्य सहनशीलताको नीति अपनाउने उल्लेख गर्नुभयो ।


कार्यक्रममा निर्वाचन आयुक्त इश्वरीप्रसाद पौड्यालले निर्वाचनको मुख्य सरोकारवाला पक्ष राजनीतिक दलले यो कुरालाई राम्रोसँग हेक्का राख्न सुझाव दिनुभयो ।