मतदाता शिक्षा प्रभावकारी बनाउन प्रधानमन्त्रीको आग्रह

Posted on: November 03, 2017 | views: 253

काठमाडौं । प्रधानमन्त्री शेरबहादुर देउवाले दुई चरणमा हुने प्रतिनिधिसभा र प्रदेशसभा निर्वाचनमा बढीभन्दा बढी सहभागिता हुनेगरी मतदाता शिक्षालाई प्रभावकारी बनाउन निर्वाचन आयोगलाई आग्रह गर्नुभएको छ । 


प्रधानमन्त्री निवासमा आज निर्वाचन आयोगका पदाधिकारीससँगको भेटमा प्रधानमन्त्रीले मताधिकार लोकतन्त्रमा सबैभन्दा महत्वपूर्ण विषय भएकाले अधिकतम मत खस्ने र न्यून बदर हुने गरी व्यवस्थापन गर्न आग्रह गर्नुभयोे ।


प्रधानमन्त्रीले निर्वाचनका लागि सरकारका तर्फबाट आवश्यक सबै सहयोग २४ सै घण्टा उपलब्ध गराउन आफू तयार रहेको बताउनुभयो । 


त्यस अवसरमा प्रमुख निर्वाचन आयुक्त डा. अयोधीप्रसाद यादवले निर्वाचनमा प्रधानमन्त्रीको शुरुदेखिको प्रतिबद्धताले आयोगलाई काम गर्न हौसला मिलेको बताउनुभयो ।