भैंसि चराउन जाँदा यौन क्रियाकलाप गरेको देख्ने भाईको हत्या आरोपी किशोरीद्धारा आत्महत्या

Posted on: October 29, 2017 | views: 3071

सिरहा ।

जंगलमा भैंसि चराउन जाँदा गाउँकै युवकसँग यौन क्रियाकलाप गरिरहेको देखेपछि ठूलो बुवाको छोरालाई हत्या गरेको आरोप लागेकी १६ बर्षिया किशोरीले आत्महत्या गरेकी छिन् ।


सिरहाको कर्जन्हा २ मा भाइको हत्याको अरोपमा पक्राउ परेकी १६ वर्षीया किशोरी प्रियंका यादवले प्रहरी चौकीमै आत्महत्या गरेकी हुन् ।


आफ्नो यौन सम्बन्ध लुकाउन ठूलोबुबाका छोरा भवेश यादवको हत्या गरेको आरोपमा प्रहरीले उनलाई पक्राउ गरेको थियो । पक्राउ गरी आज मध्याहृन मात्रै सार्वजनिक गरिएको थियो ।


इलाका प्रहरी कार्यालय मिर्चैयामा थुनुवा राख्ने ठाउँ नभएपछि इलाका प्रहरी कार्यालय बिष्णुपुर लगिएको थियो ।


साँझ ५ बजेतिर प्रहरीको अनुमतिमा चौकीकै बाथरुममा नुहाउन छिरेकी उनले सलको पासो लगाएर आत्महत्या गरेको प्रहरीले जानकारी दिएको छ ।


महिला थुनुवा कक्ष भित्रै बाथरुम रहेको र गर्मी भएको भन्दै नुहाउन भनेर छिरेकी यादव छिरेको बाथरुमबाट कुनै आवाज नआएपछि हेर्दा आत्महत्या गरेको अवस्थामा भेटिएको प्रहरीले बताएको छ ।


मृतकको शव पोष्टमार्टमको लागि जिल्ला अस्पताल सिरहा लगिएको छ ।


कात्तिक २ गतेदेखि हराइरहेका भवेशको शव दुई दिनपछि भेटिएको थियो । किशोरीसँग यौन क्रियाकलापमा संलग्न रहेर बालक भवेशको हत्यामा संलग्न सञ्जय शाहभने प्रहरी नियन्त्रणमा छन् ।