खर काट्ने बेला भीरबाट लडेर मृत्यु

Posted on: October 26, 2017 | views: 230

बैतडी ।

खर काट्ने बेला भीरबाट लडेर बैतडीमा आज एक महिलाको मृत्यु भएको छ ।

मृत्यु हुनेमा बैतडीको डिलाशैनी गाउँपालिका ६ गोकुलेश्वर तिलाडीकी ३४ बर्षिया अनिता विष्ट रहेकी प्रहरी नायव उपरिक्षक हेरम्ब शर्माले जानकारी दिनुभयो ।

आज बिहान साढे ९ बजे घर नजिकै रहेको तिलाडी भिरमा खर काटिरहेका बेला एक्कासी लडेर गम्भिर घाईते भएकी अनिताको उपचारको लागी अस्पताल लैजादै गर्दा बाटोमै मृत्यु भएको जिल्ला प्रहरी कार्यालय बैतडीले जनाएको छ । खर काट्ने बेला लडेर महिलाले अकालमै ज्यान गुमाउनुपरेको हो ।

यसअघि असोज ३१ गते पनि सुर्नया गाउँपालिका ४ मेलडाँडाकी ३२ बर्षीया जुनकिरी लुहारको खर काट्ने बेला भिरवाट लडेर मृत्यु भएको थियो ।