मकवानपुरमा स्थानिय चुनाव भन्दा २७ हजार बढी मतदाता

Posted on: October 26, 2017 | views: 147

मकवानपुर ।

मकवानपुरमा स्थानीय निर्वाचनको तुलनामा २७ हजार ८ सय ४५ जना मतदाता थपिएका छन् ।

प्रतिनिधि तथा प्रदेश सभाको ६ वटा निर्वाचन क्षेत्र रहेको मकवानपुरमा अब २ लाख ५५ हजार ६ सय ४ जनाले मतदानमा सहभागिता जनाउन पाउने भएका हुन् ।  

जिल्ला निर्वाचन कार्यालय मकवानपुरले हिजो हेटौँडामा गरेको अन्तरक्रिया कार्यक्रममा मकवानपुरमा अब ३ सय २४ वटा मतदान केन्द्र रहने जानकारी दिइएको छ ।

कार्यक्रममा बोल्दै निर्वाचन कार्यालय मकवानपुरका प्रमुख गोविन्द प्रसाद पौडेलले थपिएको मतदाताको आधारमा स्थानीय तहको निर्वाचनमा भन्दा २९ स्थानमा थप मतदान केन्द्रहरु तय गरिएको बताउनुभयो ।