मुलुकी ऐन प्रतिस्थापन गरी मुलुकी देवानी निमार्ण

Posted on: October 24, 2017 | views: 324

काठमाडौं । कानून, न्याय तथा संसदीय मामिला मन्त्रालयले मुलुकी ऐनलाई प्रतिस्थापन गरी मुलुकी देवानी निमार्ण गरेको छ । 


आज मन्त्रालयमा आयोजित पत्रकार सम्मेलनमा कानून, न्याय तथा संसदीय मामिला मन्त्री यज्ञबहादुर थापाले मुलुकी देवानी संहितालाई कानूनको रुपमा व्यवस्था गरेको जानकारी दिनुभयो ।


संहितामा कुनै ब्यक्तिले जीवित छँदै आफ्नो शरीरको अङग दान दिन सक्ने, गल्ती गर्नेले क्षति व्यहोर्नुपर्ने, अरुलाई दुःख दिने गरी काम गर्न नहुने र गल्तीको फाइदा लिन नपाउने जस्ता व्यवस्था गरिएको छ ।


नेपाल बाहिर कुसुर गरेमा नेपालमा सजाँय हुने र कसुरको प्रकृति र गम्भीरताको आधारमा जन्मकैद, निश्चित अवधिको कैद, जरिवाना, कैद र जरिवाना वा दुवै हुने पनि मुलुकी देवानी संहितामा व्यवस्था गरिएको छ । 


मुलुकी देवानी संहिता २०७५ भदौदेखि लागु गरिने जानकारी पत्रकार सम्मलेनमा गराइएको थियो ।