दार्चुलामा जीप दुर्घटना हुँदा बडुको घटनास्थलमै निधन, अर्का एक गम्भीर घाइते

Posted on: October 22, 2017 | views: 501
दार्चुला । महाकाली नगरपालिका वडा नं.९ दत्तु चुच्चैमा महाकाली यातायातको जीप दुर्घटना भएको छ । सदरमुकाम खलंगा देखी मालिकार्जुन तर्फ गईरहेको से १ ज ५९६ नम्बरको जीप सोत¥यौडाखोलामा दुर्घटनागस्त हुदा जीप मालिक भुपेन्द्र बडुको घटनास्थलमै मृत्यु भएको प्रहरीले जनाएको छ । जीपमा चालक देव राम कोली गम्भीर घाइते भएको र उनको अवस्था चिन्ताजनक रहेको छ । घाइतेको घटनास्थलबाट सशस्त्र प्रहरीको टोलीले उद्धार गरी जिल्ला अस्पतालतर्फ ल्याइरहेका छन । ओरालो खोल्सामा जीप सडकबाट १०० मिटर तल खोलामा पल्टिदा महाकाली नगरपालिका ७ का २४ वर्षीय जीप बडुको घटना स्थलमै मृत्यु भएको र सोही ठांउका चालक कोली गम्भीर जिल्ला प्रहरी कार्यालय दार्चुलाले जनाएको छ । जीपमा दुई जनामात्रै सवार रहेका कारण थप क्षती नभएको स्थानीय प्रत्यक्षदर्शीले बताएका छन । दुवै जना रातभर जात्रामा रहेका कारण अनिदोमा जीप चलाउदा दुर्घटना भएको हुनसक्ने प्रहरीको अनुमान छ ।