करेण्ट लागेर दाङमा एक जनाको मृत्यु

Posted on: October 15, 2017 | views: 2380

तुलसीपुर ।

करेण्ट लागेर दाङमा एक जनाको मृत्यु भएको छ । पश्चिम दाङको शान्तीनगर गाउपालीका ५ काशिपुर निवासि ३० बर्षिय दिल बहादुर चौधरीको ज्यान गएको प्रहरीले बताएको छ । आफ्नै घरमा बल्व जडानका लागी होल्डर बनाउने क्रममा आज साझ साढे ५ बजे करेण्ट लागेको ईलाका प्रहरी कार्यालय तुलसीपुरका प्रमुख डिएसपि राजेन्द्र प्रसाद अर्यालले जानकारी दिनुभयो ।


दाङमाभएका छुट्टाछुट्टै दुर्घटनामा परि दुई जनाको ज्यान गएको छ । घोराही उपमहानगरपालिका वडा नं। ९ बकुलाई भन्ने स्थानमा गुडिरहेको बसको ढोकाबाट खस्दा सोहि ठाउका ४० वर्षिय चुर्ण बहादुर वलीको ज्यान गएको जिल्ला प्रहरी कार्यालय दाङले जनाएको छ । आज दिउसो कोठरी बाट घोराही तर्फ जादै गरेको ना १ ख १२६६ नम्वरको वसबाट खसेर गम्भिर घाईते वलीको राप्ती उपक्षेत्रिय अस्पताल घोराहीमा उपचारका क्रममा ज्यान गएको प्रहरीले जनाएको छ । 

प्रहरीका अनुसार बस नियन्त्रणमा भएपनि चालक भने फरार रहेका छन् । यस्तै घोराहीबाट नेपालगन्ज जादै गरेको बा ४ ख २९६५ नम्वरको हाईसले सतवरियामा ठक्कर दिदा एक बालिकाको ज्यान गएको छ । ज्यान जानेमा भारत जुरीकुईया घर भई हाल सतवरियामा मामाको घरमा आएकी कृष्णा कुमारी ऐयर रहेको प्रहरीले जनाएको छ ।

गम्भिर घाईते भएकी वालिकाको कोहलपुरमा उपचारका क्रममा ज्यान गएको प्रहरीले जनाएको छ । 

यसैविच लमही नगरपालिका वडा नं ६ देउपुर स्थित राप्ती नदीले बगाउदा ४७ वर्षिया सानुराजा चौधरीको ज्यान गएको छ । नदि तर्नेक्रममा चौधरीको ज्यान गएको प्रहरीले जनाएको छ । उता गढवामा टेक्टर बाट खसेर वडा नं। १ जुरौनी बस्ने बावुराम अधिकारीका १३ वर्षिय छोरा विश्वास अधिकारीको उपचारका क्रममा भैरहवामा गएराती ज्यान गएको दाङ प्रहरीले जनाएको छ ।।