दाइको हत्या गर्ने भाइ १७ वर्षपछि पक्राउ

Posted on: October 13, 2017 | views: 3789

तुलसीपुर । जिल्ला प्रहरी कार्यालय सल्यानले कर्तव्य ज्यानको आरोपमा फरार एक व्यक्तिलाई १७ वर्षपछि पक्राउ गरेको छ । 


पक्राउ पर्नेमा तत्कालीन स्यानीखाल गाविस ९ घर भई हाल तुलसीपुर उप महानगरपालिका १ छोटे निवासी  बिजुले भन्ने विजय गोसाई रहेका छन् । 


२०५७ कात्तिक १४ गते सामन्य विवाद हुँदा आफ्नै दाई हरेराम गोसाइमाथि बिजयले हसियाँ प्रहार गरेका थिए । गम्भीर घाइते भएका दाइको केही समयपछि उपचारका क्रममा मृत्यु भएको थियो  ।