यि हुन् सर्वोच्चका नयाँ तीन न्यायाधीश

Posted on: October 10, 2017 | views: 321

काठमाडौं ।

सर्वोच्च अदालतमा मंगलबार तीनजना न्यायाधीशक नियुक्त भएका छन्। राष्ट्रपति विद्यादेवी भण्डारीद्वारा बमबकुमार श्रेष्ठ, डम्बरबहादुर शाही र टंकबहादुर मोक्तानलाई सर्वोच्चको न्यायाधीशमा नियुक्त गरिएको हो।


राष्ट्रपति कार्यालयका सहायक प्रवक्ता कृष्णमुरारी न्यौपानेका अनुसार नियुक्तिलगत्तै राष्ट्रपति भण्डारीको उपस्थितिमा प्रधानन्यायाधीश गोपाल पराजुलीले न्यायाधीशहरुलाई पद तथा गोपनियताको सपथ खुवाएका छन् ।


यसअघि न्यायाधीश भण्डारी उच्च अदालत तुलसीपुरमा, शाही उच्च अदालत सुर्खेतमा र मोक्तान उच्च अदालत पाटनमा मुख्य न्यायायाधीश थिए ।


संसदीय सुनुवाई विशेष समितिबाट अनुमोदनपछि नियुक्ति र सपथ भएको हो । यसअघि न्याय परिषदले सर्वोच्चको न्यायाधीशमा सिफारिसको निर्णय गरेको थियो । शपथ खाएका तीन सहित सर्वोच्च अदालतमा न्यायाधिशको संख्या २० पुगेको छ ।