धनुषामा सवारी दुर्घटना २ जनाको ज्यान गयो

Posted on: September 30, 2017 | views: 3539

धनुषा ।

धनुषामा सवारी दुर्घटना हुँदा दुई जनाको ज्यान गएको छ ।

शुक्रबार राती करीब साढे ९ बजे ना. अ. प. अ ९४४ नम्बरको जीप र ज ४ प ४४६२ नम्बरको मोटर साईकल एक आपसमा ठोक्किएर दुर्घटना हुँदा दुई जनाको ज्यान गएको धनुषाका एसपी चक्रबहादुर सिंहले जानकारी दिनुभयो ।

ज्यान जानेमा हंसपुर नगरपालिकाका ३५ वर्षीय शीवकुमार चौधरी रहेको प्रहरीले जनाएको छ भने अर्का एकजना महिलाको सनाखत हुन नसकेको एसपी सिंहले बताउनुभयो ।

उनीहरु दुबैको उपचारका लागि जनकपुर अञ्चल अस्पताल ल्याउँदै गर्दा बाटैमा ज्यान गएको हो । शव पोष्टमार्टमका लागि जनकपुर अञ्चल अस्पतालमा राखिएको छ भने जीप र चालकलाई प्रहरीले हिरासतमा लिएको छ ।