दशैंको बेला पारेर घरघरमा भत्ता वितरण

Posted on: September 28, 2017 | views: 7102

पर्वत ।

स्थानीय तहमा जनप्रतिनिधी आएपछि अहिले नगरपालिका र गाउँपालिकाका वडाहरुवाटै सामाजिक सुरक्षा भत्ता वितरण भैरहेको छ । यसअघि वैँकमा धाएर लिनुपर्ने भत्ता गाउँमै पाएपछि नागरिकहरुले राहातको महसुस गरेका छन । 


पर्वतको फलेवास नगरपालिका ३ शंकरपोखरीमा पनि घरघरमै पुगेर भत्ता वितरण गर्न थालिएको छ । नेपाल सरकारले उपलब्ध गराउने भत्ता वुझाउन जनप्रतिनिधीहरु घरघरमा पुगेका छन् । दशैँको मुखमा सामाजिक सुरक्षा भत्ता पाएपछि नागरिकहरु खुशी छन् भने चुनावको वेला घरमै भत्ता ल्याईदिने वाचा गरेका जनप्रतिनिधीहरु प्नि खुशी भएका छन । शंकरपोखरीमा जेष्ठ, असाहाय, एकल महिला ,दलित, वालवालिका गरेर सामाजिक सुरक्षाभत्ता वुझने लाभग्राहि ६५० जना रहेका छन् । 


वडाध्यक्ष अर्जुनवहादुर कार्किले वडामा रहेका सबैलाई फरक फरक शिर्षकमा तोकिएको भत्ता वितरण गरेको जानकारी दिनुभयो । कार्किको नेतृत्वमा हिँड्न सक्नेलाई वडा कार्यालय र असक्तहरुलाई घरमै पुगेर पनि भत्ता दिइएको छ । जेष्ठ नागरिकलाई एक चौमासिकको ८ हजार, एकल महिलालाई ४ हजार, वालवालिकालाई १६ सय, अपाङग क वर्गकोलाई १ हजार र ख वर्गकोलाई ६ सय रुपैयाँको दरले वितरण गरिएको छ । वैँकमा आएर विभिन्न कागजी झण्झटमा रुमलिनुपर्दाको पीडावाट मुक्ति दिन जनप्रतिनिधीहरुले गाउँमै भत्ता दिन शुरु गरेका हुन । 


गाउँमै भत्ता पाएपछि खुशी लागेको स्थानीय जयलाल तिवारीले वताउनुभयो । दशैँ मनाउन पनि यसले सहज भएको लक्षित वर्गाका नागरिकहरुले वताएका छन् । पर्वतका अन्य गाउँपालिका र नगरपालिकाका वडाहरुमा वडावाटै भत्ता वितरण गर्न शुरु गरिसकिएको छ । झैपनि केहि वडाका वासिन्दाहरु सदरमुकाम मै धाउँदै आएका छन् ।