ट्रकले मोटरसाइकललाई ठक्कर दिँदा एक जनाको मृृत्यु

Posted on: September 16, 2017 | views: 426

धादिङ ।

पृथ्वी राजमार्ग अन्र्तगत धादिङको बेनिघाट रोराङ गाउँपालिका वडा नं ३ स्थित सलाङघाटमा शनिबार दिउँसो ट्रकले मोटरसाइकललाई ठक्कर दिँदा १ जनाको मृत्यु भएको छ । भने एक जना घाईते भएका छन् ।

चितवनबाट काठमाडौँ जाँदै गरेको ना ४ ख ३७० नम्बरको ट्रकले बा ३० प ३४०० नम्बरको मोटरसाइकललाई ठक्कर दिएको थियो ।

दुर्घटनामा घाईते भएका मोटरसाइकल चालक गोरखा मिरकोट बस्ने ४९ वर्षीय पशुपति थापाको उपचारका क्रममा मृत्यु भएको छ भने मोटरसाइकलको पछाडि बसेका गोरखा किरान्चोकका विदुर थापा क्षेत्रि घाईते भएका छन् ।

दुर्घटनापछि ट्रक चालकलाई प्रहरीले नियन्त्रणमा लिएको इलाका प्रहरी कार्यालय गजुरीले जानकारी दिएको छ ।