मन्त्रिमण्डल गठनले निर्वाचन आचारसंहिता उल्लघंन भएको छैन् : देउवा
Posted on: September 12, 2017 | views: 582
विराटनगर । प्रधानमन्त्री शेरवहादुर देउवाले सरकारको काम कारवाहीमा अफ्ठ्यारो परेपछि मन्त्रिमण्डल विस्तार गरिएको जिकिर गरेका छन् । मंगलबार विराटनगरमा पत्रकारहरुसँग कुरा गर्दै प्रधानमन्त्री देउवाले निर्वाचन आयोगसँग सोधेर नै मन्त्रिमण्डल विस्तार गरिएको दावी पनि गरे ।
इतिहासमै जम्बो अर्थात् ५४ सदस्यीय मन्त्रिमण्डल बनाएपछि सर्वत्र आलोचित बनेका देउवाले आफ्नो कामको बचाउमा यस्तो जवाफ दिएका हुन् । प्रधानमन्त्री देउवाले निर्वाचन आयोगलाई सोधेरै मन्त्रिमण्डल विस्तार गरेको जिकिर गरे पनि आयोगले भने सरकारको यस कदमले आचारसंहिताको ठाडो उल्लंघन भएको भन्दै आलोचना गरिसकेको छ ।
प्रधानमन्त्री देउवाले मन्त्रिमण्डल विस्तार पुरानै सरकारकोे निरन्तरता भएकाले आचारसंहिता उल्लंघन भन्न नमिल्ने तर्क गरे ।
कांग्रेस सभापतिसमेत रहेका देउवाको कार्यशैलीका कारण हालै सम्पन्न स्थानीय तहको दुई चरणमा पार्टीले नराम्रो परिणाम ब्यहोरिसकेको छ । तैपनि देउवाले अहिले गरेको मन्त्रिमण्डल विस्तारले पार्टीको कार्यक्षमतामा असर नपर्ने र २ नम्बर प्रदेशको चुनावमा कांग्रेस पहिलो बन्ने दावी गरे ।
ताजा अपडेट
-
स्थापना दिवसकै दिन फुट्यो राजपा–उपाध्यक्ष यादवको नेतृत्वमा नयाँ पार्टी घोषणा
-
सरकारले तोकेको निषेधित क्षेत्रको निर्णय फिर्ता नभए प्रदर्शन गर्ने डा. गोविन्द केसीको चेतावनी
-
फरार रहेका प्रदेश सांसद दीपक मनाङे पक्राउ
-
उद्घाटनको तयारीमा जनजागरण सामुदायिक पुस्तकालय
-
बुद्ध जयन्ती नववर्ष संगीत उत्सव–२०७५ हुने
-
यही बैशाख १० देखि १२ गतेसम्म विश्व शान्ति पूजा गरिने
-
सभापतिको विरोध गर्नेहरुको पार्टीभित्र खैरियत छैन् : महत