सय महिलाले लिए आत्मरक्षा सिप र कानुनी सचेतनाको तालिम

Posted on: September 12, 2017 | views: 91

काठमाडौं ।

महिलालाई आत्मरक्षाका सिप तथा कानुनी प्रावधानको सचेतना र मानसिक रुपमा अब्बल बनाउन गर्ल किक नामक संस्थाले १०० जना महिलालाई २ घण्टाको सेल्फ डिफेन्स मेगा इभेन्ट गरको छ ।


महिला कोमल छन्, मायालु पनि छन्, समाजले गरेको हिंसामा केहि बोल्दैनिन् र दिन प्रतिदिन हिंसाबाट ग्रसित बनेका समाचार बन्नुको तात्पर्य महिला कमजोर छन् भन्ने होइन । हामी महिलाको त्यो कमजोरीको फाइदा लुट्नेलाई महिला आफइ सक्षम छन् अब आफ्नो सुरक्षा गर्न भन्ने कुराको उदाहरणीय कार्य गर्ने सोच बाकेर अगाडी बढेको छौ — संस्था प्रमुख निरज न्यौपाने बताउछन् ।


सामाजिक संञ्जालबाट आह्वान गरिएको निबेदन र केही उच्च शिक्षा अध्ययन गर्दै गरेका सहभागि सबै १६ देखी ३० बर्ष उमेर समुहका थिए । उक्त इभेन्टमा १५ भन्दा बढी शारिरीक हिसांमा पर्दा प्रयोग गरिने आत्म रक्षात्मक तरिका र कानुनी हक, अधिकार र कर्तव्य कुराहरु समेतको जानकारी गराईएको थियो भने मानसिक रुपमा सक्षताको कुराको समेत जानकारी गराईको थियो ।


 


कार्यक्रममा पबन बुढाथोकी, बिकेश महर्जन, सुश्मा गौतम र निरज न्यौपाने सत्र संचालन गर्नु भएको थियो । 

म संग आत्म विश्वास थियो, म सबै संग बोल्न सक्छु भन्ने तर आज आत्म रक्षात्मक तरिकाले मलाइ झन आत्म बल थपेको छ, लाग्छ की म अब कुनै हिसां पदैन र यो कुरा मेरो दिदी बहिनी लाई पनि आज गएर सिकाउछु —सहभागी जानुका घिमिरे भन्छिन ।

संस्थाका मुख्य कार्यकारी अफिसर जनिसा महर्जनका अनुसार यो कार्यक्रम अब विशेष गरेर पहिलो फेजमा काठमाडौं, ललितपुर, भक्तपुर, काभ्रे, सिन्धुपाल्चोक, नुवाकोट, धादिङ र रसुवामा गरिने भएको छ ।