धर्म निरपेक्षाताका नाममा हिन्दू संस्कृतिमाथि प्रहार : लोहनी

Posted on: September 09, 2017 | views: 236

काठमाडौं ।

एकीकृत राष्ट्रिय प्रजातन्त्र पार्टी 'राष्ट्रवादी' का अध्यक्ष डा प्रकाश चन्द्र लोहनीले मुलुकमा धर्म निरपेक्षताको नाममा पाँच हजार वर्ष पुरानो हिन्दू संस्कृति माथि प्रहार भइरहेको बताउनुभएको छ । 


पार्टीले हिन्दू राष्ट्र पुनःस्थापनाका लागि यही भदौ २१ गतेदेखि शुक्रबारसम्म आयोजना गरेको अभियानको समापन कार्यक्रममा अध्यक्ष लोहनीले हिन्दू सभ्यता नेपाल राष्ट्रको पहिचान भएको बताउँनुहुदै राष्ट्रिय एकताका प्रतीकका रुपमा आलङ्कारिक राजसंस्थाको खाँचो औँल्याउँदै उहाँले राजसंस्थाले राष्ट्रलाई जोड्ने तर विखण्डन नगर्ने बताउनुभयो ।


अध्यक्ष डा लोहनीले रोजगारीको अभावमा ४० लाख युवा विदेशिन बाध्य रहेको बताउँदै धनी र गरिब बीचको खाडल फराकिलो भएको अहिलेको अवस्थामा सम्पन्न राष्ट्र निर्माणमा लागि चुनौती थपिएकामा चिन्ता व्यक्त गर्नुभयो ।