बलात्कारका अभियुक्त सार्वजनिक

Posted on: September 06, 2017 | views: 289

बनेपा ।

काभ्रेमा सामूहिक बलात्कारका कारण १ साताअघि एक महिलाको मृत्यु भएको घटनाका अभियुक्तलाई प्रहरीले सार्वजनिक गरेको छ । 


आज जिल्ला प्रहरी कार्यालय काभ्रेले पत्रकार सम्मेलन गरी फरक फरक स्थानबाट पक्राउ परेका अभियुक्तलाई सार्वजनिक गरेको हो । 


पक्राउ परेका सबै अभियुक्तले प्रहरीलाई बलात्कारमा संलग्न भएको बयान दिएका छन् । 


प्रहरी उपरीक्षक सहदेव थापाले बलात्कारका क्रममा अचेत भएकी ती महिलाको अचेत अवस्थामै मृत्यु भएको प्रारम्भिक अनुसन्धानबाट खुलेको बताउनुभयो । 


बनेपा नगरपालिका–८ स्थित इँट्टाभट्टा नजिकै १ साताअघि मकैबारीमा मृत अस्थामा फेला परेकी बनेपा–१० बस्ने ५७ वर्षीय नानु आलेमगरमाथि सामूहिक बलात्कार भएको थियो ।