वेपत्ता आयोगको कार्यशैली प्रति द्वन्द्व पीडितहरु असन्तुष्ट

Posted on: August 31, 2017 | views: 283

बर्दिया ।

बेपत्ता पारिएको अन्तराष्ट्रिय दिवसको अवसरमा गुलरियामा भदौ १४ गते भएको कार्यक्रममा द्वन्द्व पीडितका परिवारहरुले वेपत्ता आयोगको कार्यशैलीले आफुहरुलाई निराश बनाएको बताएका छन् । बेपत्ता दिवस शान्ति ¥याली र अन्र्तक्रिया गरी मनाइएको हो ।

आयोगले पाएको पहिलो चरणको समयमा पाएको जिम्मेवारी शुरुवात नै गर्न नसकेको पछिल्लो पटक पाएको थप समय पनि केही पनि नगरी बिताउन थालेको गुनासो पीडित परिवारले गरे । द्वन्द्वको समयमा राज्य पक्षबाट पति वेपत्ता पारिएकी राजापुर नपा ११ की रविना चौधरीले भनिन्, ‘आयोगले पीडित परिवारको उजुरी लिसकेपछि गाउँघरमै आए अनुसन्धान गरी सत्यतथ्य पत्ता लगाई सार्वजनिक गरी न्याय र परिपुरण दिने कुरा गरेको थियो, खै अहिलेसम्म केही पनि भएको छैन, यसले हामीलाई निरास बनाएको छ ।’


कार्यक्रमका सहभागिहरुले सरकारले पीडित परिवारहरुलाई १० लाख राहत दिएर अन्य न्यायको बाटो बाट पन्छाउन खाजेको आरोप पनि लगाए । साथै राजनितिक सहमतीको नाममा द्वन्द्वका घटनाहरुको पीडितलाई न्याय र दोषीलाई कानुनी कार्वाहीको दायरामा नल्याउन चलखेल भइरहेको भन्दै त्यसो हुन नदिन पीडित परिवार निरन्तर सचेत भई आवाज उठाई रहन पर्ने कुरामा नागरीक समाज, मानवअधिकारकर्मी र कानुन विद्धहरुले सुझाव दिएका थिए । 


द्वन्द्व पीडित समिति बर्दियाका अध्यक्ष भागिराम चौधरीले आयोगको अहिलेसम्मको कार्यसम्पादन मुल्याङ्कन गर्दै पीडितहरुको न्यायका लागि आवाज उठाउन सहयोग गर्ने सबै सरोकारवालाहरुको सुझाव लिएर वकालतका लागि योजना बनाएर अगि बढ्ने बताए ।

बर्दिया जिल्लाबाट वेपत्ता आयोगमा २ सय ६६ जना पीडितका परिवारले उजुरी दिएका छन् । कार्यक्रम द्वन्द्वपीडित समिति, नागरिक समाज सञ्जाल, ईन्सेक, आई।सी।जे, नेपाल रेडक्रस, बर्दिया बार एसोशिएसन एकाई, कर्मशिल नेपाल लगाएत संस्थाको आयोजनामा भएको थियो ।