सर्पले टोक्दा एक युवाको मृत्यु

Posted on: August 28, 2017 | views: 669

 नवलपरासी । सर्पले डसेर नवलपरासीको सुस्तामा एकजनाको ज्यान गएको छ । 

नारायणी नदीमा माछा मार्न गएका बेला सोमबार बिहान सर्पदंशले सुस्ता गाउँपालिका–५ चन्द्रगञ्जका २५ वर्षका सोनु मुसहरको उपचारको क्रममा ज्यान गएको रामनगर प्रहरी चौकीका प्रहरी सहायक निरिक्षक भीमबहादुर चौधरीले जानकारी दिए । 

नवलपरासीको नवलपुर क्षेत्र विषालु सर्प प्रभावित क्षेत्रमा पर्दछ । यहाँ बर्सेनि १०/१५ जना सर्पको डसाइबाट मर्ने गरेका छन् । आइसियु कक्षमै राखेर उपचार गर्ने अस्पताल यस क्षेत्रमा नहुँदा सर्पदंशका बिरामीहरुको समयमा उपचार हुननसकी ज्यान जाने गरेको छ ।