सुदूरपश्चिमेलीहरुको महानपर्व गौरा सुरु, पहिलो दिन आज बिरुडापञ्चमी

Posted on: August 26, 2017 | views: 465

डडेल्धुरा | सुदूरपश्चिमेलीहरुको महानपर्व गौरा शनिबार देखि सुरु भएको छ । शनिवार गौराको पहिलो दिन बिरुडापञ्चमी, घरघरमा बिरुडाभिजाउने गरिन्छ । 

गहत, गुरौस, केराउ, मास र गहुँ मिसाएर बिरुडा भिजाउने चलन रही आएको छ । शनीबार भिजाएका बिरुडालाई षष्ठीका दिन नजिकका धारा, तलाउ वा पोखरीमा लगेर धुने चलन रही आएको छ । 

अमुक्ताभरण सप्तमीको दिन गौरालाई गौराभित्र भित्र्याउन गरिन्छ । त्यो दिन ब्रतालु महिलाहरुले साँझ गौरा घरमा गौराको पूजा गर्ने चलन रही आएको छ । गौरा पर्वको लागि अहिले डडेल्धुरा बैतडी र दार्चुलाका ग्रामीण क्षेत्रमा रौनक छाएको छ । 

गौराका लागि घरभन्दा बाहिर रहेका परिवारका सदस्यहरु पनि घरमा आउने क्रम जारी रहेको छ ।