डडेल्धुराको पुन्तुरा खोलाले बगाउँदा वडा सदस्यको मृत्यु

Posted on: August 21, 2017 | views: 618

डडेल्धुरा । डडेल्धुराको भित्री मधेसमा पर्ने पुन्तुरा खोलाले बगाउँदा वडा सदस्यको मृत्यु भएको छ । 


जोगबुडा बजारबाट घर जाने क्रममा आईतबार राति साढे ८ बजे तिर पुन्तुरा खोलाले बगाउँदा परशुराम नगरपालिका वडा नं ६ सरकुडाका घर भएका ४५ वर्षीय वडा सदस्य नर बहादुर धामीको मृत्यु भएको हो । 

धामी स्थानीय तहको निर्वाचनमा नेपाली कांग्रेसबाट वडा नम्बर ६ को वडा सदस्यमा निर्वाचित भएका थिए । खोलाले बगेका धामीको शव सोमबार बिहान बगेको स्थानबाट करिब १ किलोमिटर फेला परेको ईलाका प्रहरी कार्यालय जोगबुडाले जनाएको छ ।