प्रदेश नम्बर सातका ८५ स्थानीय तहको अन्तिम मतपरिणाम सार्वजनिक,कहाँ को अगाडि ?

Posted on: July 06, 2017 | views: 468

डडेल्धुरा । प्रदेश नम्बर सातका ८८ स्थानीय तहमध्ये ८५ स्थानीय तहको अन्तिम मतपरिणाम सार्वजनिक भएको छ । 


सार्वजनिक मतपरिणाम अनुसार नेपाली कांग्रेस र नेकपा एमालेले बराबर स्थानीय तह जितेका छन् । ८५ स्थानीय तहमध्ये घोषणा भइसकेका ८५ तहमध्ये नेपाली कांग्रेस र नेकपा एमाले ३७÷३७ स्थानमा विजयी भएका छन् । 


माओवादी केन्द्रले १० स्थानीय तह जितेको छ भने एक स्थानमा नेपाल लोकतान्त्रिक फोरम विजयी भएको छ । प्रदेश नम्बर ७ का ८८ स्थानीय तहमध्ये ३ स्थानीय तहको अन्तिम नतिजा आउन बाँकी छ । 


यसअघि दोस्रो संविधानसभा निर्वाचनमा कांग्रेस सुदूरपश्चिममा पहिलो दल बनेको थियो । प्रदेश नम्बर सातमा कांग्रेस र एमालेमध्ये कुन पहिलो दल भन्ने छिनोफानो ३ स्थानीय तहको मतपरिणाम घोषणा भएपछि मात्रै थाहा हुनेछ । 


मतगणना भइरहेका ३ स्थानीय तह कैलालीको धनगढी उपमहानगरपालिका, कञ्चनपुरको भीमदत्त नगरपालिकामा र पुनर्वास नगरपालिकामा काग्रेशको अग्रता रहेको छ ।