छोरीलाई मेयरमा भोट माग्दै प्रचण्डले भने-मतान्तर हुँदाहुँदै काँग्रेससँग गठबन्धन'

Posted on: May 11, 2017 | views: 282

चितवन ।

आफ्नो छोरीलाई भरतपुर नगरपालिकाको मेयरमा उमेद्वार बनाएर काँग्रेसको उमेद्वारी फिर्ता गराइ गठबन्धन गरेका प्रधानमन्त्री पुष्पकमल दाहालले मतान्तर हुँदाहुँदै काँग्रेससँग गठबन्धन गरेको बताएका छन् ।


प्रधानमन्त्रीले अहिलेको स्थानीय तह निर्वाचन इतिहास कै पहिलो निर्वाचन भएको समेत बताए ।


चितवनमा आयोजित सभालाई सम्बोधन गर्दे प्रधानमन्त्री दाहालले स्थानिय निर्वाचनपछीे सिंहदरवारको अधिकार गाउँगाउँसम्म पुग्ने बताए ।


प्रधानमन्त्रीले कांग्रेस र माओवादी केन्द्रवीच तिब्र मतान्तर हुँदाहुँदै पनि राष्ट्रको लागि गठबन्धन गर्ने कठोर निर्णय गरेको बिचार राखे ।


सोही सभालाई सम्वोधन गर्दै नेपाली कांग्रेसका सभापति शेरवहादुर देउवाले काँग्रेस माओवादीवीचको गठबन्धन प्रान्तीय र केन्द्रीय निर्वाचनसम्म जारी रहने दाबी गरे ।


सभापति देउवाले संविधानको कार्यान्वयनवाट मात्रै देशमा स्थायित्व र समृद्धि हुने बताए ।


काँग्रेस सभापति देउवाले मिलेर बसेको समाज भाँडने, पहाड र मधेसवीच झगडा गराउने तत्वबाट सचेत हुनुपर्ने बताए ।


नेता देउवाले पछिल्लो समय प्रमूख प्रतिपक्षि दल नेकपा एमालेले तराई र पहाडबिच झगडा गराउन खोजेको आरोप लगाउँदै आएका छन् ।