मतदाता परिचयपत्र बैशाख २८ देखि बाँडिने

Posted on: May 09, 2017 | views: 161

काठमाडौं ।

निर्वाचन आयोगले बैशाख ३१ गते हुने पहिलो चरणको स्थानीय तह निर्वाचनका लागि सबै मतदाताहरूलाई बैशाख २८ देखि ३० गतेसम्म सम्बन्धित मतदान केन्द्रबाटै मतदाता परिचयपत्र वितरण गर्ने भएको छ ।


त्यसैगरी मतदाता परिचयपत्र वितरण गर्ने तीन दिन मतदान केन्द्रबाटै मतदाता शिक्षाको कार्यक्रम सञ्चालन गर्न पनि आयोगले मतदाता शिक्षा कार्यकर्ता र स्वयंसेवकलाई निर्देशन दिएको प्रवक्ता सूर्यप्रसाद शर्माले जानकारी दिनुभयो । 


पहिलो चरणको निर्वाचन हुने छ हजार छ सय ४२ मतदान केन्द्रबाट मतदाता परिचयपत्र र मतदाता शिक्षा कार्यक्रम एकसाथ सञ्चालन हुने आयोगले जनाएको छ ।