बालुवाटारमा एमाले फोरम सहितको शिर्ष बैठकमा दुई चरण निर्वाचन गर्नेबारे छलफल

Posted on: April 19, 2017 | views: 162

काठमाडौं ।

सत्ताधारी काँग्रेस सभापती देखी उपप्रधानमन्त्री समेत रहेका बिमलेन्द्र निधिले सार्वजनिक रुपमै बैशाख ३१ गतेको स्थानिय निकाय निर्वाचन दुई चरणमा हुनसक्ने विवादास्पद अभिव्यक्ति दिन थालेपछि शिर्ष दलले यसबारेमा छलफल गरेका छन् ।


प्रधानमन्त्री पुष्पकमल दाहालको हाव्हानमा प्रधानमन्त्रीको सरकारी निवास वालुवाटारमा भएको छलफलमा प्रमुख पाँच दलका शीर्ष नेताहरुसँग निर्वाचन दुई चरणमा गर्ने हल्ला बारे नेताहरुको राय मागेका हुन् ।


तराई केन्द्रित मधेसी मोर्चाले लगातार नयाँ माग राख्दै निर्वाचनमा सहभागी नहुने कुरा गर्न थालेपछि पाँचदलबिच मोर्चा निर्वाचनमा आए दुई चरण र नआए एकै चरणमा निर्वाचन गर्नेबारे छलफल भएको हो ।


बैठकमा कांग्रेस, एमाले, माओवादी केन्द्र, राप्रपा र फोरम लोकतान्त्रिकका नेताहरु सहभागी थिए ।


बैठकपछि स्थानिय निकाय निर्वाचनबारे विवादास्पद अभिव्यक्ति दिंदै हिडेका गृहमन्त्री विमलेन्द्र निधिले 'मधेसी मोर्चा यदि निर्वाचनमा आउनसक्ने सम्भावना छ भनेदेखि दुई चरणमा गएर पनि चुनाव गराउन सकिन्छ भन्ने तर्कलाई कुन रुपमा लिने भन्ने बारेमा छलफल भएको  बताए ।


निधिले निर्वाचनका लागि सबै सुरक्षा प्रवन्ध मिलाइसकेको दाबी गर्दै पाँचै विकास क्षेत्रमा सुरक्षा गोष्ठी समेत गरिसकेको बताए ।


'प्रधानमन्त्री जीले मधेसी मोर्चा सहमति भएर आउँछ भने दुई चरणमा चुनाव गर्ने पनि तर्क आइरहेको छ, यो तर्कलाई के गर्ने रु भन्नु भएको छ ।' निधिले भने-'यो सरकारको प्रस्ताव होइन बैशाख ३१ गते चुनाव गर्ने नै । यसमा कुनै भ्रममा नपर्नुहोला'